14 November 2006
稅．．．一點都唔輕鬆
由於下月中去旅行，會在１月才返香港，相信返香港第一件要做的事就係交稅．今年需要交的稅額小左，係因為有得扣供樓的利息．．計計下發現原來供樓的利息支出都幾大，唔怪得銀行年年賺錢啦！因為有我依種傻人每月進貢被佢賺！稅就年年交，但是從政府得來的福利真係唔多覺有．．．現在我地大多睇私家醫生，即是大多醫管局提供的服務都冇用過，社會福利．．．又唔輪到我．．．仲話要我地俾銷售稅，咁咪即係欺壓我地依種蟻民．今日睇報紙仲話五天工作週擴展至其他政府服務，有冇攪錯呀！政府五天提供服務即係叫我地唔好用．．．我地星期一至五的返工時間長過政府咁多，通常都係用星期六處理個d咩運輸處，ｘｘ處的野，依家咁．．唔通請假咩．．．．
Subscribe to:
Post Comments (Atom)
3 comments:
唔好咁嬲啦,
你日日行緊的行人路都係政府起架,
最多俾你行多幾轉補返數啦! :p
你識唔識一D做政府工o既朋友呀? 如果唔識﹐我恭喜你﹐因為佢地果種功作態度會令你更加沮喪。
fresh:多謝你提醒我呀,咁等我今日放工由中環行路返新界,感受一下政府起的路係幾咁美輪美奐先..
altair:我唔識呀,只有聽聞話佢地四點已經開始執野準備放工......同埋親耳聽到係政府做的人可以每日好似返工咁抄股,即係佢個人坐係政府的辦公室,但係就可以全日同個經紀講電話.....激死!
Post a Comment