02 November 2006
咭數
有一個識了七至八年的朋友,前幾年都只是點頭之交,是這幾年才變成真是講到野的朋友。幾年前得知,原來佢係時下的年青人,即係爭人周身咭數,問佢為咩,都係因為虛榮心,敵不住各名牌的誘惑,成為各大咭公司的奴隸。當時已經叫佢快點想辦法攪掂,如果越加越多,最後就只可以破產。但係依條友只是當耳邊風,咭數越加越多,佢話因為唔開心去買野令自己好過點,而開心時更加要買野獎勵自己。條友真係痴線,欠銀行幾十萬咭數唔知佢可以點還。最衰的是佢份工唔可以破產,冇誠信喎! 最近佢終於的起心肝去搵UA,但是UA都幫唔到佢。我真是唔明點解可以咁癲,而且個d息成廿多里,真係任人"湯"。我係一定要個袋有錢的人,絕對唔可以用哂d錢,今日唔知聽日事,萬一被人抄左都仲可以生活丫!
Subscribe to:
Post Comments (Atom)
4 comments:
我一個好close既朋友本來都有幾十萬咭數﹐又大洗。但近幾年佢男友幫佢供晒D數﹐就黎清添﹐佢真係好彩喇~~ :P
UA幫唔到佢,
咁咪去米蘭站囉,
還便佢咁多名牌?! :p
我同你一樣。。。不過我身上時常沒有現金。
冬冬：妳個朋友咁好彩，有個男朋友幫佢分期還清，妳個朋友真是要嫁俾佢還．．．可惜我個朋友冇男朋友．．．
fresh：我諗佢就是去得米蘭站太多先攪到今時今日咁！
hana：哈哈！我每次去ATMo羅錢都唔多，如果用得快要再去o羅錢時，會警惕自己唔好用咁多！！
Post a Comment