應酬

我非常怕應酬，不喜歡跟一些溝通唔到的人應酬，即係講極都唔明，牛頭唔搭馬嘴個種．但是在我工作的行業裡，各出色而又上左位的人都非常識應酬，當然實力都好重要，應酬彷彿是不能缺少．點可以令自己在應酬時不對住唔鍾意的客戶黑面呢？

＄＄＄＄＄＄

雖然心情仍不太好，但是今朝老細俾左花紅我，總萛人間有番少少希望．好天搵埋落雨柴．．．要計劃一下啦！原本想在三月貪平去北京滑雪，現在有機會去唔到，因為得我一個人睇場，如果唔係ｄ客冇人理就煩啦！馬死落地行，老細要走都冇計．．．．
今年我真係冇咩大計，仍然係搵錢搵錢同搵錢，希望有時間俾我去下旅行醫下我的身痕，終日對住幾部電腦會死架．．．．．．．．．．．

心情勁差

老細真是決定唔做啦，死啦，點萛呀！佢退休剩下我在此孤軍作戰，點好呀！ 冇老細睇住差好遠架．．．．．．

築地魚市場

第二日早上，我們經不起那個侍應的說法，去了築地魚市場．嘩，想不到一大早的魚市場已經充滿了來買野的人群，最後我們終於知道為什麼有咁多人都去築地魚市場， 原來日本人跟中國人差不多，都要在新年前辦年貨，而魚市場就充塞了這些辦年貨的日本人．找了十五分鐘，終於給我們找到了那間壽司大．我們懶醒目咁係門口的 人龍排隊，點知人地指手劃腳咁同我地講龍尾係遠在他方的另一邊呀！嘩，原來條龍係非常之長架，但是一場到來唔試點得，於是我們在饑寒交迫中排了三個多小 時．那個店舖非常少，只可坐十個人，而且每人都大約要食三十分鐘，我們企在門外不停咁望住人地食，好似睇緊動物園入面的獅子老虎食野咁．睇見ｄ人食得好似 好陶醉咁，我們企在門外心裡不停在想．．”有冇攪錯呀，食咁耐，快ｄ啦，阻住哂．．．”我仲驚排左咁耐，如果唔好食咪死！

我是一個不食魚生的人，很怕一塊唔知點又有點腥的野係個口入面的感覺，嚴格來說主要是陪阿gel食咋．等到我們就坐，壽司師傅好細心咁立即送上一件熱的蛋卷，在門外等了那麼久，又有番點點溫暖．說回那件蛋卷，非常好食，絕對不是那種凍凍的普通蛋卷，真是喜出望外．我們選擇了十件的壽司，另有湯和壽司卷．那十件壽司是師傅按照當日最新鮮的來貨做出來，最後我們可以從十件中選一件食多一次．從第一件壽司入口那刻，我才知道原來魚生壽司是可以很好食的．那種入口即溶的感覺，一點腥味都沒有，令我知道那三個小時沒有白費．我相信我開始對魚生有興趣，當然是新鮮那種啦！

人山人海的築地魚市場

門外排隊的人

遠在另一邊的龍尾，我們正在人群中排隊

新鮮程度爆哂燈

我再點的海膽壽司

非常忙碌的師傅

唔係呀．．．．．．．．．

烏 來 溫 泉 污 水 翻 用
僅 過 濾 毛 髮 　 衞 生 存 疑

今日睇報紙竟然見到那樣嘔心的報導，想起自己都曾經往烏來浸溫泉，唔係咁賤都做得出呀．．．想像一下如果俾人用ｄ沖過涼的水淋，係人都頂唔順啦！點解ｄ人可以咁架，收費仲要一點都唔平，又話自己絕對是用天然溫泉水，想起都打冷震．以後都唔去台灣浸溫泉，日本應該冇咁差．．．都係去日本先浸．

鳥良

到了東京的酒店已是晚上七時多，放下行李便立刻開始我們喪買喪食之旅。行了一陣百貨公司便關門，曰本的百貨公司準時八時便收工，所以我們去了出名手羽先的鳥良食飯。每次去鳥良必食的是絹豆腐，入口豆味濃郁，如絲如絹般滑，不用加醬油已經超好食。入口之後禁不住閉眼品嚐，整個口腔充滿了豐富的豆味，真是回味再回味。

當時流傳日本有嚴重的諾沃克病，阿妹仲打電話叫我們不要食魚生。剛巧在鳥良給我們遇上了一位從香港來的侍應，她說的確是有腸胃病，而且有病的人一定不可以上班，但是我們一場來到，沒有可能不去試下，重要的是不要食那些平野喎。她仲超強烈推薦我們去築地的壽司大食壽司，要一早去，她說她前幾天的早上五時已經去但仍要等個多小時才有位。她最後仲話唔去一定是我們的損失呀！攪到我們不停在想應否改變行程去築地魚市場，我又不太喜歡食魚生．．．

忍不住吃了一口才記得拍照

戰利品

相中是我們部份的戰利品，我覺得真是有點喪買的感覺．平時在港真是很少買野，唔知點解去旅行時見咩都買，可能心情開朗，而且又覺得見到唔買的話，過了這個景點搵唔番，就是這種唔執輸的心態，弄得行李超級多同勁重．後遺症是超哂額的咭數．．．．希望今年的ｂ仔(bonus)可以打救一下啦！

改變

星期日去了電影中心看戲，由於時間尚早，走了去電影中心旁的書店看看．自己對著一遍書海，突然覺得好陌生，但是又好像見到久違了的朋友一般．看見很多書都有想買的衝動，換了幾年前的我，一定二話不說見到就買．但是現在只是看看摸一下已經滿足，驚訝於自己的改變．從小我都很喜歡看書，只要好睇就買番去，睇完就放在書櫃．家裡的書有千多本，整個書櫃上上下下所有空位都是書，當然是放在父母家啦！什麼書都看，真係都幾濫架！自從自己搬出，而母親下了最後通牒要我把所有書清理掉，那千多本的書就流落人間．當時不停問朋友可否收留，最後咩人都俾ｄ，現在唔知佢地去左邊？生活過得好唔好？我好唔捨得架，最終都要放棄．佢地好似我的初戀咁，慢慢淡忘．．．．

Lake Tahoe

與朋友一起到Lake Tahoe，這裡除了滑雪之外，真是沒什麼可做．仲有幾間賭場，可惜我不太喜歡賭錢，朋友的丈夫本想賭幾手，眼見佢老婆那凌厲的眼神，最終都係唔敢玩．我總覺得這樣對待身邊的人不太好，小賭宜情，佢老公又唔係自己出去玩，係佢面前玩又有咩所謂．管得太緊有反效果架．．．

山上的雪景

我們住的小屋外

朋友為我們而設的鮑魚

這塊滑板勁好玩呀！

行街

同小朋友行街是一頂非常艱巨的工作，又驚佢地唔知走左去邊，唔俾佢去佢想去的地方佢地又會勁紐計．想想真是覺得父母非常偉大，竟然可以頂得住到我長大．

傻傻的monster

佢覺得自己好型呀！

monster姊第

MIB.......

我們給商場的Wii吸住..

我們不停爭住玩．．．

玩到顛左．．．

Pho

返到Oakland累到死，住在朋友家，本想睡過夠才起來，怎料朋友的兩個小孩一早已經走黎走去嘈到震，基本上我們係要跟小朋友的作息時間．冇計啦，小朋友大哂嘛！

起來後開車同小朋友去找越南野食，在這邊的越南餐廳好像都很正宗，沒有香港的為了遷就香港人而改味道．曾經在巴黎食過一間非常正宗的越南餐廳，好味的程度是一有機會就去食，可惜每次停留在巴黎的時間不多．這就是tofu介紹的越南餐廳Pho，豬排飯非常好食，阿gel返到黎成日都提住香港冇咁正的豬排飯喎！春捲都係一流呀，外脆內鮮．我最喜歡飲佢地濃濃的越式咖啡，入口又香又濃．．．

這個monster成日掛住玩！

上太空

自少俾E.T.洗腦，對所有外太空有關的事物著迷，常常幻想會俾外星人綁架．真是好白痴架，成日都俾人笑，不過我又樂在其中．去到太空中心見到各火箭穿梭機非常興奮，同太空人拍照時真係想問佢借件太空衣著下呀！

佢話佢俾太空船的光吸住呀．．．

佢剛剛係太空返黎呀．．．

唔知食咩好

離開Orlando的一早，我們在Daytona四處想搵地方食早餐，但是全都是美式乾乾的食物，好一點的餐廳又未開門．就咁踩了屎．．．．睇相都知，意粉還意粉，汁還汁，求其放兩個肉丸落去，真是我整都好過佢好多．．．．．．

Red Loster

不知這間餐廳是否一間連鎖式經營的餐廳，食物水準一般啦！我們去完Universal Studio之後再去利了個好大的mall，雙腳完全累得沒有了感覺，好在仲有意志知道要開車返酒店，雙手滿是戰利品，其實又累又餓．這間餐廳在酒店附近，唔需要開車周圍去搵野食．

美國餐廳大多會送一點餐前小食，由於每次我們坐下時都非常肚餓．人家送的小食或是麵包第一時間就食哂，往往到主餐來時已經食到飽飽地，其實真是幾白痴，明明去食人家的主菜嘛，感覺上成日都冇空間試真人家主菜的味道．這間餐廳送的scone幾好食，外表看似乾乾的但內裡卻是熱辣辣的，非常吸引．其他的燒海鮮一般啦，那個所謂的tiger prawn，一點都唔tiger，小小的，味道可以啦．．．當時只想快點食完返去休息．