返黎啦．．．

返黎表示又返回正常的上下班日子，放假後回公司，人人第一句都係話”嘩，你終於都放完假啦！”

有冇攪錯呀，我總共請了八日假，去了十一日旅行，又唔係走了去一個月，有冇咁誇張呀！

又係我寫吓遊記的時候，今次影了好多相．．．．．．．．．

不過有一樣唔開心的事發生，我的新玩具－那部買了一個多月的相機．．．被阿gel一腳踩爆了．．．我心好痛呀．．．．．仍在流血中．．．．．．

情人節

情人節是商家揾錢的節日，不過都要開開心心咁過．

其實感情好，就唔在乎係咪情人節啦，日日都咁甜嘛！

喂，今晚有咩做呀？

惡夢

新年溜溜竟然發了一個不大好的惡夢．．．．．

夢中阿gel殺了我個ex呀，我仲要幫佢碎屍毀屍滅漬．．．頂．，依家想起都很毆心，真係好核突，我手起刀落咁起骨去肉，唔知係咪我睇得CSI多，夢境超真實呀．醒來之後我一度懷疑ex真係死左呀．．．．哈哈！

人家話夢係同真實相反，咁即係點呢？

假期的心情

新年假後，上班一點都唔忙呀，我的心就一遍放假的心情，整日都想著旅行的事，真是無心戀戰．

鼠年股市跌左咁多，點玩好呢．．．．．．

執行李

十一天的旅程，應該不用帶太多嘢，相信最重的會是滑雪用品．希望回來時的行李不會過重啦！每次去日本都只係得嗰十幾kg，邊夠用喎．．．．

承認．．．．

在電視看到’不認不認還須認’，每個人處事都應理性．．．．．．

我亦都為曾經在年輕時做過的所有白痴行為而反省．．．．．．．

偉大的美元

偉大的美元，你可否對日圓係咁易升吓呀，升到110我都好ok架啦．．．．．

仲有嗰幾日，我幾時換日圓好呢

凍凍凍

凍了很多天，多年不見的冬季今年正式到訪香港，令到我們有番好多新年的氣氛．我屋企位於新界鄉村地方，真係凍上加凍架．在房開了暖爐，便整日的活動範圍都只有睡房，真係除了痾尿都唔出房門呀！個廳就好似雪櫃咁，好好玩，因為今年我終於都可以著一遍我所有的冬季衣物，鍾意點配搭都得，希望冬天不要咁快離我而去啦．．．．

新年假期

每年的新年都如是，與家人一起食團年飯，年初一回阿媽度拜年，初二食開年飯，新年好似有數之不盡的節目，要要短短幾日做哂所有活動為止．每晚都玩到零晨兩三點，好在今年初四是星期日，可以在家好好休息一下．

新年食了那麼多，今個星期要食番點清清地的嘢，預備定我星期六的零八大旅行再食過．

恭喜發財

恭喜發財　身體健康

蘿蔔糕

年廿七，我與阿妹返阿媽屋企整蘿蔔糕．原來唔太難整，只不過是有一點點麻煩．而我最憎就是冬菇，所以扮哂唔記得落冬菇，我阿妹蒸完先記起冇落冬菇．哈哈！

首先是刨蘿蔔，由於蘿蔔汁液會傷手，皮膚敏感一定要帶手套．隔走蘿蔔汁用來開粘米粉和燸米粉．

炒香腊腸腊肉

加蘿蔔絲再炒

粘米粉和燸米粉

慢慢下粉，手要不停炒，一定不可’痴’底

炒到雙手抽筋就差唔多

放入壓力煲蒸二十分鐘，攪掂！

共鳴

趕在新年前看了Sweeney Todd魔街理髮師，由於此戲有太多血腥鏡頭，新年睇好似唔係幾好咁．我是幾鐘意tim burton的戲，大多佢的戲都有睇，今次這戲差不多全都是灰灰暗暗的畫面，所以亦突出了那四周噴射的鮮血．估唔到johnny又唱得不錯喎，人家演戲又得唱又得，陰沈又得古怪又得，好勁呀！

我不停嘴在講好睇的時候，阿gel就不停話套戲好悶，又話一d都唔好睇，在佢身上總是找不到共鳴．頂，下次我搵朋友陪我睇．．．．．．

藏王 上山去．．．．

越高越凍，但是感覺良好．講真吖，直覺依家係屋企仲凍，這幾天我們在家都是抱住暖爐，真是好痴纏，離開佢一步都唔想，因為全屋都好似雪櫃咁凍，新界地方係咁架啦！

都唔係好凍

以往在雪地上行走的馬車

留念吓

依度幾凍架

藏王樹怪．．．．

就過年，我們的北海道之旅就開始，我仲未講完藏王之旅呀！天氣凍真係做咩都慢，咩都唔想做．

其實去藏王滑雪有一個原因，就是樹冰（又名樹怪），因為它們好像怪物的一個個佈滿整個山頭，咁壯觀又點可以唔去見識一下喎！

向山頂進發

要坐兩次cable先到架

地藏尊

我地似唔似勇闖玉珠峰

又大風又大雪，行步路都難呀

決定．．．．．

明日就要向老闆交代，點好呢？

跟現在的老闆工作已經七八年，一直都相安無事，佢冇咩特別要求，而我又做好我的份內事．每年佢都會俾b仔我，而且又唔萛難服侍．今年他選擇作出一些改變，身份跟以往不一樣，佢俾了我兩個選擇，繼續跟佢，有固定人工但係冇b仔，另一選擇就係自立門戶．我都仲未好老，繼續跟佢好似冇咩作為咁，而且冇b仔喎，一定損失好大．自立門戶就要面對風險，今年一定是難過的一年，一定好難攪．而且一定要超級加倍努力，不能再整日發夢，肯定白頭髮一定會繼續而來．阿gel話可以摶吓，起碼屋企都有佢喎．

現在好像迫著我成長咁．．．．．．

有菌．．．．

我的毒瘡又出現，今次生係個鼻度，好痛呀！成個鼻又紅又腫，掂下都超痛．今次睇左個攪笑醫生，發現原來我有金黃葡萄球菌呀．．．．．”唔好埋黎呀，我唔想有呀！”當我講俾阿gel知時，佢第一句就咁講，真係傷心．

醫生話一定要食藥同搽藥膏，仲要定時覆診直至殺死哂所有菌．佢仲話，如果咁都唔得就一定要驗血，可能係我的免疫系統出了問題．．．．