俾多少少．．．

新的平價航空公司－甘泉航空，都已經起航了很多天，到現在仍不停有問題．其實d人買機票時都知道依間係平價航空公司，仲要得一架飛機，都要預算有問題會出現．一分錢一分貨呀！細個時買好多野都總要平，返黎的質素一定唔太好啦，當時我總是唔明點解我d野咁差，唔通係我的問題．老豆令我明白人家都要賺錢，想要好質素的野就要俾多少少．．．．．

泠氣機

我係一個冇泠氣好辛苦的人，用了很久的泠氣機有問題，問過如要維修要花五百元，而且仲要每年搵人清洗．計過倒不如買過一部新的比較花萛，慳電呀！就係咁，今日要趕頭趕命返屋企等人黎整．

窩心．．．．

其實一直唔太清楚窩心的正確解釋，可能這個詞意是只可領會．我們每朝返工都要搭一程長途巴士，搭長途巴士最好就係睡覺．每朝在巴士上，大約有九成人都唔會 浪費時間，全部都希望在上班前可以多睡一點．我當然唔例外啦，係咩地方都可以睡的，真是如豬一樣．我的習慣是一上巴士就睇一陣報紙，蘊釀一陣睡意，就放下報紙睡覺去．由於巴士的泠氣好涷，每次我一放底報紙，阿gel就會俾衫我穿上以免我泠親．感覺好舒服，唔知咁萛唔萛窩心．．．．

言．．．居酒屋

這間居酒屋在左敦道百加士街，小小的一間居酒屋，只有幾張?，坐得有點迫和抽風系統不太夠，但食物的質素令我覺得這些不是問題．我們差不多兩個星期去一次，食物新鮮好味，而且仲唔貴，真是不能錯過．我每次去必食的是燒牛舌，燒雞頸肉，味噌 辣肉湯麵．阿gel話牛舌係最好味，因為唔太厚又夠味．雞頸肉又有肉連少少皮，入口非常滑．味噌 辣肉湯麵的辣肉好夠味，有一點點的辣，我就是喜歡它的味夠濃，如果怕濃可以試豬骨湯．番薯天婦羅夠甜又唔漏，都值得一試．還有每日限定的食品，寫在一塊小小的黑板上，賣完就冇，應該一定新鮮．上次試過叫一板紫海?，新鮮又好味，最重要是唔貴．價錢好重要，我最怕俾完錢後感到”把鬼”，side錢係一回事，最慘係阻我食野的quota．

冬日假期．．．

終於落實了美國與日本之旅的安排，先往SF，之後去florida同daytona留五晚，再去 lake tahoe滑雪和渡過一個熱鬧的聖誕節．聖誕後再起飛往東京玩，買下野食下野，新年之後回香港！除了日本的酒店外，其他酒店已經訂定，機票與車都租了，現在應該不停搵下到時去邊度玩，有咩好食．．想起都興奮！十二月快點到啦！

又黎燎我......

曾經深愛的一個人，一起相處了五年的時間，我們可以說是共同成長．分手，錯在自己，最後恨錯難返．曾經極力挽回，無奈人家身邊已經有了另一半．當時的我苦苦哀求，相信佢是覺得我非常煩擾，我只得放手．放手後才知外面的天空很大很藍，覺得當日的我白痴得可以．因工作關係，與佢仍有聯絡，閒話家常的，但對佢已經感覺全無．最近佢跟我說佢的另一半怎樣忽略佢，佢覺得我當時對佢好好．．．．．我好想同佢講，咁又點呀！都咁耐啦，又黎燎我！我真是完全沒有感覺啦！

海洋公園

一直都好想再去海洋公園，係因為佢個水母館，我阿妹去過話好正呀！昨日有個澳洲來的朋友，佢一家四口來香港玩，我們提議他們可以去濕地公園；海洋公園同迪士尼公園，最後．．．．去左海洋公園．由於十月尾是halloween，全個海洋公園都是鬼屋，小朋友好似唔太明白咩係halloween咁，她們兩個最喜歡就是爬黎爬去．換了是香港人的小孩，父母一定怕她們跌倒，老外對小孩的態度真是不太一樣，每事都讓小孩自由發揮，我想這就是創意！
我第一次見到熊貓，阿gel話熊貓已經係香港住左好耐，仲話我少見多怪！我對上一次去海洋公園仲係香港讀中學呀，咁多年前海洋公園咩都冇架！我們一行四個大人帶住兩個小朋友，原來都可以非常之辛苦，又要睇實怕佢地走左去，又驚佢周圍爬整到，因為有一個只有歲半．很多很多來自大陸的自由行，他們對於老外很有興趣，我朋友抱著小女兒在後面行，大陸人咩都唔理走埋去好似想搶人家個女咁話要抱著金髮小女孩影相．痴線架！老外朋友被他們突如其來的舉動嚇一跳，我唯有走埋去隔開佢地仲同佢地講你咁會嚇倒人架！個大陸女人仲好唔滿意咁話佢只不過想影相，真係．．．頂！小孩的媽媽推著bb車，不小心撞倒另一個自由行大陸女人，老外已經講了對不起，大陸女人仍然破口大罵，最終我忍不住叫她收聲，佢仲係不停罵罵罵，最終我話”收聲啦！大家都係中國人，中國人被你影衰哂．”老外問我個女人講咩，仲話佢一定被人cursed！經過五個鐘的煎熬，我同阿gel已經散哂！老外決定返酒店休息，兩個小朋友在回程時已經睡得不醒人士．．

油麻地街市

唔知依家d人結婚仲需唔需要買依d野，可能依d傳統野好快會係地球上消失！！！

又係車品品

今次終於都食到魯肉餃，原來入面是台灣的鹵肉被雲吞皮包著．聽聞是十分出名，但是我與阿gel都覺得雲吞皮與鹵肉涵唔太配合．其他食物保持水準啦！

棍波車

看到hana的post，令我想起開棍波車的攪笑經驗．我是十六歲時在英國考車牌的，當然那時的歐洲（我冇諗過歐洲落後香港咁多）差不多所有車都是棍波的．順理成章我考車牌都是棍波車啦！考車後完全沒有再開過棍波車，返香港咁多年都是開自動波車，講真，要我再開棍波車真是大大大問題，咩都俾番哂人啦，點記得喎！前些年返去英國玩，在網上租車時已經註明一定要自動波．晚機到達belfast，去租車counter時，個位哥哥竟然話俾我知成個ireland都只有棍波車．．．．唔係玩呀！佢仲話搵唔到我個租車紀錄，x#$#＃％我頂！不過，佢係一個好人，佢話為安全起見，我最好都係搭的士．係英國搭的士係好貴架，我仲要去好遠的地方，唯有硬著頭皮頂硬上！我問佢可唔可以教一教我點開，我話只是有點忘記了．哈哈，依位哥哥剛好放工，所以佢跟著我們去停車場?車．沿路我仲白痴到問佢住邊，不如我地車埋佢返屋企，因為我心諗有條友係隔離旁住會好好多嘛．．．點知佢手指一指，佢話佢架車係度呀！！！佢好有心機咁教我，仲叫我試下俾佢睇．就係咁，我開番棍波車．
沿途都沒有什麼大問題，最大問題出現在入停車場．其中一個景點的停車場入口在斜路上，入停車場當然是一架等一架咁入，點知當我因為前車而停下之後，再開車時一係死火，一係溜後．好大鑊呀！溜後撞到人我邊有錢賠呀！好瘀咁問個工作人員可唔可以幫我，但是他竟然話冇車牌！我又頂！此時，由於我已經攪左好耐，車龍已經非常長！我非常之唔好意思，下車走去後面架車度問個司機可唔可以幫我開架車上去，嘩！我感覺到全條車龍的司機都望全我，瘀到爆呀！個司機覺得我好似恐龍咁，仲非常之驚訝於我唔識?棍波車．．．．最後當然佢都有幫我啦！

補習...

中學同學結婚,出席她的結婚飲宴,很多朋友都已經結婚了,有些還拖男帶女咁，最唔想提到的年齡又再被擺上台．婚宴上，有位女子走近與我相認，仲問我認唔認得佢，我當然一點記憶都沒有啦，真是很害怕d人成日問我認唔認得佢，我認人真是非常之差，我係一個認面盲．最終依位女子唯有開估，佢係一位我當年的補習學生，仲幫佢補左成個會考．．．我心諗，會唔會係女大十八變．．．我真是一點點印象都沒有，我真是好白痴呀！

好鬼忙

好多野做呀！快d做完快d閃．．星期四老細請食大閘蟹，要上佢屋企，又要食到好夜先走得．．．

怪味雞．．

依間食店係沙田，食物不錯．其實我去依度食飯都係因為個怪味雞．第一次食係因為依個名好特別，點知原來真是好好食，唔知個汁係點整，非常入味，食完侍應埋黎收碟，我地次次都唔俾佢收，點都要把汁都食完為止．阿gel係東坡肉超級fans，佢話依度的東坡肉好鬆軟，都值得一試．

怕死??

今日讀到一篇文章,主角三十二歲時,突然暈到家中,被家人發現時已失去知覺體溫,死於腦中凰爆血管。讀後有一陣心"up"的感覺,自己與這位主角年紀差不多,如果有一日事情發生在我身上怎好呢?想想下,第一件在腦中浮現的是家人,他們給我供書教學,自問成績中規中矩,畢業後出來工作又不是怎樣特別,都是普通打工仔一名,好像從沒有為他們做過什麼。父母常常為我們著想,我又能為他們做什麼呢?

我想寫下一張遺囑,每年修改一次。都不萛是什麼,因為我沒有錢,只是希望把一些平時放在心中的說話跟他們說。自知面對他們時無論怎樣都不會說,當是死後大解放...不知我是否一個怕死的人呢?

由於有太多事情不由得我作主,都是要更努力去玩去"dean"去愛....

離Q哂普．．．

阿gel在公司有一個下屬一個上司,這個下屬(A)係結左婚的男人,大約三十歲。下屬A已經在依間公司做了一年多,但是很多日常的工作仍常常錯漏百出,常常激到阿gel死。下屬A曾對人說佢屋企有污糟野,佢?陳伯(即係謝霆峰頂包案睇?個風水佬)個仔幫佢清除依d污糟野,相信駛左唔少錢。依個陳伯個仔仲叫佢搬去望海的單位。下屬A跟足風水佬的提意搬屋,但是搬屋後下屬A話污糟野仍然跟住佢,所以要去四川攬住棵樹吸靈氣。阿gel同我講時我已經覺得下屬A好古靈精怪,近來...古怪事件陸續有來。

中秋節前兩星期,下屬A冇返工,只是叫了他太太打番公司請兩星期假,原因不詳,佢太太話係屋企有事,下屬A正在大陸幫忙。阿gel同老細相信一定是緊急事件,無可奈何只可接受。過兩日下屬A太太又再打黎,今次係話佢老公因為legal事件要留在大陸,事件至今有點水落石出的味道。佢太太話下屬A在公司訂了兩盒月餅,佢會?人上來?。真是唔明,佢老公咁生死攸關,竟然仲掛住兩盒月餅???

兩星期過去了,今個星期依位人兄的太太又打電話黎,今次又有新故事,真係鑊鑊高潮鑊鑊金。佢話下屬A的阿叔俾污糟野攪,仲連累埋下屬A,所以下屬A又要請多一星期假,因為要去四川吸靈氣....

至此,阿gel同佢老細除了"啤"一聲咩都做唔到。三個星期依位人兄冇打個電話返公司交代,唔知各位遇到咁既情況會點?

黃昏

酒店大堂望出的日落

街頭上...

巴堤雅街上閒逛時，見到有食檔，忍不住又坐底食．食食食，去旅行時好似永遠冇肚餓的感覺，因為上一餐都未消化好就已經急不及待又食下一餐．街邊肉丸湯粉，好食，食到成身汗又有”烏英”四處飛，本地人奇怪我地唔怕污糟坐係街頭起勢食．有咩所謂，我鍾意街頭小食嘛！

普普通通

在 巴堤雅的酒吧街上，有很多食海鮮的店舖，我們兩個求其就入左一間．佢地將所有海鮮放哂係門口，有點似香港的食店那樣，想食咩野自己揀，伙計會幫我們鎊下 有幾重同埋寫底煮法．環境唔錯，我們坐在向海的坐位，由於做完spa先去食，已經差不多晚上十二點，不是很多人但大多都是遊客（即係鬼佬拖住幾個打扮得花 枝招展的泰國女人）！
食物一般啦，我們點了咖哩抄蟹，蒜頭蒸虎蝦，蒜頭蒸赤貝，抄通菜，當然要叫椰清解暑啦！阿gel話最好食係碟菜．．．好彩唔係好貴，埋單計都係二百元．．普普通通啦！

酒吧街上有很多很多泰國女人，穿著性感，全部企或坐係酒吧入面，”un”下”un”下咁，真係唔知佢地靠咩為生，因為女人實在太多而幫襯的顧客又太少！

建築面積／實用面積

阿gel超級留意香港的樓市，我就當然對樓市一知半解．每星期六佢都一定要看”睇樓皇”和有線的’棲盤傳真”，我總是對佢說又唔係買樓都唔知睇黎做咩，佢 話係佢的嗜好，俾佢激死．佢對各新樓盤瞭如指掌，現在發展商把新樓的名改到超級高貴，引各位有錢人士落?．我成日都問佢依個ｏ個個屋苑，佢每次都快而準咁 答到係邊度，真係好強．
我發現現在的新樓，係就係整得好高貴，每個單位叫價高到死，個d所謂建築面積真係嚇死人，７００尺樓實質俾你住的只有４５０尺，但係你就要俾足錢買７００ 尺，難怪發展商發到豬頭咁．仲有一個咩”發水樓”，我唔太明係咩，應該係政府話可建面積係ｘ尺，但是發展商係賣樓時把所有九唔搭八的野計埋落去ｘ＋ｙ尺賣 俾各位．唔知點解我地的尊貴的政府點解唔規管一下．．．

USD/JPY

依排美元走勢強勁，對日圓上到１１９．８啦．．．．哈哈，人人都話要換定d日圓看門口，我諗我地都要為年尾的美日之旅作好準備．我同阿gel講過，當日圓趺破１２０就換定日圓．對換率低點，買野都開心點．．．．．哈哈！

巴堤雅的酒店....

我們住在Sheraton Pattaya Resort,酒店好新,服務非常好.通常泰國的酒店都會有很多香港人,但是這間酒店出奇的少香港人,平靜點.真是一個可以令人完全放鬆的地方,什麼都不做,起身食完早餐就住泳池hea,終日係房間與泳池之間來來

泰國湯粉．．．

去 泰國，我覺得一定要食的就是各式各樣的湯粉，依間Nooddi係我每次去曼谷必去的地方，係siam square和silom road都可以搵到，坐得舒服有泠氣，水準都唔差．湯粉細細碗但係非常惹味，而且仲非常平．粉絕對沒有香港那麼多，少少的粉加上好味的肉丸和香濃的湯，一 絕呀！每 次食泰國湯粉，他們總會放底四種調味料任你落，有沙糖，棘粉，魚露和酸醋．而我就一定下棘粉和魚露，加了感覺上能令碗粉更好味．另外我一定叫的是海鮮粉絲 沙律，酸酸地好醒胃．
另一個地方阿gel一定要去的是central plaza樓上的food court，入面有各式各樣的food stall，各國美食都有，仲有個甜品檔口呀！在入口每人派一張卡，依張卡係用來記底叫過的野，走時只要俾張卡佢，"doo"下張卡就知要俾幾多錢．阿 gel最鍾意入面的冬蔭貢同新鮮焗的pizza，冬蔭貢味道好濃，仲有兩隻好多膏的大頭河蝦，pizza皮薄料多，而且又是新鮮焗起，真係不容錯過．

無間道風雲

昨 日終於去睇美版無間道，故事差不多一樣．只是兩位主角同時鍾意一個女人，我覺得有一點挽強．Leonardo DiCaprio同Matt Damon做得太表面，完全表達不到角色的內心掙扎．劉德華和梁朝偉比起上來真係做得好好，他們都演出角色的變化，有輕鬆有緊張有內心掙扎．相反，美版的 兩位主角，好似全套戲入面他們都處於精神非常緊張的狀態．要我揀做得最差的主角，非Matt Damon莫屬-奸得太表面．．．演得最好的是Jack Nicholson－保持佢一貫水準．全片粗口滿天飛，連連的血腥場面，睇下你頂唔頂得住．．．

我的新玩具......

這是阿gel送的,去美國時都可以用.唔需要再睇地圖啦.....

在商場內....

在巴堤雅的商場入面,見到一間幫人做facial和spa的店舖,男男女女就這樣用一條毛巾蓋著,完全沒有私人下做facial.而商場內的途人來來去去的,有些人仲企o係門外研究.好似去動物園睇動物咁.內裡的客人大多都係外國人跟本地人,相信冇香港人願意俾人睇住......

花燈......

這是我們為中秋節準備的花燈,明日放工會跟我們一起往西貢朋友家開bbq晚會..........
祝各位中秋節快樂!