今日公司非常之忙，不過阿gel的一個電話，令我鬆弛下來大笑，不過大笑過後有點心痛．佢用好細的聲音同我講．．．．
gel：”我部電話濕哂呀！”
bbj：”濕哂，好大汗呀？”
gel：”唔係呀．．．．跌左落屎坑呀～～～～～”
bbj：”咩話，攪咩呀，點會跌入去架，你撈番上黎未呀？跌入去時ｄ水係清定唔清呀？”
gel：”清呀．．．”
bbj：”唔好再攪部電話啦，等今晚返屋企用個風筒吹下，睇下救唔救得番啦！”
這個屎坑gel，鑊鑊新鮮鑊鑊金！好心痛呀，個電話係我送架．
24 July 2007
23 July 2007
阿媽．．．唔好玩啦！
飲茶時我與阿媽的對話：
阿媽：”食唔食炸魷魚酥呀？”
bbj：”我口角生菲滋，就係嘴角入面，好痛呀，唔食啦！”
阿媽：”抵死吖，叫你飲涼茶又唔飲，生菲滋啦，痛死啦！”
bbj：”我已經有飲架啦，可能唔夠多．咁你今晚煲ｄ涼茶俾我飲吖．”
阿媽：”生菲滋時唔好飲涼茶，會生多ｄ架．”
bbj：”吓．．．．我成日生菲滋時妳都話我做咩唔飲涼茶喎．”
阿媽：”我只不過話平時要飲多ｄ咋嘛！”
唔怪得我每次生菲滋時，飲極涼茶都唔好番啦．．．．頂
現在仲好痛呀，食嘢，講嘢同笑都唔得呀，成個石頭人咁．．．．
阿媽：”食唔食炸魷魚酥呀？”
bbj：”我口角生菲滋，就係嘴角入面，好痛呀，唔食啦！”
阿媽：”抵死吖，叫你飲涼茶又唔飲，生菲滋啦，痛死啦！”
bbj：”我已經有飲架啦，可能唔夠多．咁你今晚煲ｄ涼茶俾我飲吖．”
阿媽：”生菲滋時唔好飲涼茶，會生多ｄ架．”
bbj：”吓．．．．我成日生菲滋時妳都話我做咩唔飲涼茶喎．”
阿媽：”我只不過話平時要飲多ｄ咋嘛！”
唔怪得我每次生菲滋時，飲極涼茶都唔好番啦．．．．頂
現在仲好痛呀，食嘢，講嘢同笑都唔得呀，成個石頭人咁．．．．
22 July 2007
選定了
昨日全日都在灣仔行，因為大多的電燈公司都在那裡，最後在我們太攰的情況下，一致決定買了兩個放在廳的燈．睇燈真係好衰，去睇完那些意大利的燈之後，再睇番ｄ平的大陸燈，就永遠都睇唔上眼，但係意大利燈好貴呀，一盞都起碼六七千，點買呀！我覺得睇燈同識女仔一樣，如果剛剛同一個又靚又好的一齊，真是很難對一些普通的女仔有興趣喎！
20 July 2007
ｓａｌｅ屎 １
初畢業出來做嘢，常常覺得一定要在中環返工才能特顯我係掂的，總是覺得出入中環完全就是身分的象徵．直到真正日日在中環返工，才知道不外如是．住在新界的我，日日轉幾程車返中環，放工攰到死都仲要轉番幾程車返屋企．這時的我明白返中環而又有專業的感覺，只可住半山，返工只要半小時的人先得，好似我依ｄ鄉下人，真是攞苦來辛．洗濕左個頭．．．．．唯有奇望有朝一日我好成功啦，我都知係發夢，不過我睇政府的宣傳短片話”只要有夢想，凡事可成真！”
沙巴大排檔
今次去馬來西亞主要係想咩都唔做咩都唔諗，只是食睡和游水．而且最最重要的是沙巴原全唔會有嘢買，即是唔會點洗錢啦！朋友話一定要食海鮮，平靚正喎！的而且確，我地個肚腩又大左啦！
這個位於市中心的大排檔有好多香港人幫襯，先選海鮮，計重量，之後再諗點煮．整體來說ok啦，兩個人食大約四百多港幣，又魚又蝦，幾抵食架！每晚七時都有人表演馬來西亞民族舞，可惜我地對所有民族舞都冇興趣吖，我諗我地的藝術細胞可以話係零呀，不過老外睇得相當興奮喎！
這個菜叫小芥蘭菜，但是怎看都不似芥蘭，反而似椰菜苗．賣相好一般，不過抄得ok喎．
螺肉中規中矩，有點點鮮味
這條星班是全餐的高潮，滑溜到死呀，又有魚味，海魚即是海魚！
這兒的老虎蝦超大超平超新鮮，伙計推介奶油煮，我地覺得浪費了那些蝦，因為奶油味太濃，蓋過了蝦的鮮味．
鹹味的漬木瓜，味道有點怪．
不知為何，在酒店飲的椰青一點都不甜，反而這兒的幾甜喎！
螄裺味道奇怪得唔識形容，我地都不太喜歡
這個位於市中心的大排檔有好多香港人幫襯，先選海鮮，計重量，之後再諗點煮．整體來說ok啦，兩個人食大約四百多港幣，又魚又蝦，幾抵食架！每晚七時都有人表演馬來西亞民族舞，可惜我地對所有民族舞都冇興趣吖，我諗我地的藝術細胞可以話係零呀，不過老外睇得相當興奮喎！
原全冇泠氣架，不過又唔係太熱！頂得住！
這個菜叫小芥蘭菜，但是怎看都不似芥蘭，反而似椰菜苗．賣相好一般，不過抄得ok喎．
螺肉中規中矩，有點點鮮味
這條星班是全餐的高潮，滑溜到死呀，又有魚味，海魚即是海魚！
這兒的老虎蝦超大超平超新鮮，伙計推介奶油煮，我地覺得浪費了那些蝦，因為奶油味太濃，蓋過了蝦的鮮味．
鹹味的漬木瓜，味道有點怪．
不知為何，在酒店飲的椰青一點都不甜，反而這兒的幾甜喎！
螄裺味道奇怪得唔識形容，我地都不太喜歡
19 July 2007
sale屎 會不定期在此出現
我是一個客戶服務主任，即是客戶有什麼問題，各種奇難雜症都會找我．其實我份工作都很悶架，又沒有什麼挑戰性，都係每月等出糧嗰種囉．眼見朋友一個個唔係讀這個課程就是那個課程，看來實在太辛苦啦，每日返工放工都已經沒有太多時間剩，仲要放工後同星期六都要去上堂，咪攪．
雖然我的職位是客戶服務主任，但是所有人都會叫我做ｓａｌｅ屎，各位聽清楚，唔係ｓａｌｅｓ，而是ｓａｌｅ屎．真是唔明，我都唔萛係屎吖，點解人人都叫我屎喎！
雖然我的職位是客戶服務主任，但是所有人都會叫我做ｓａｌｅ屎，各位聽清楚，唔係ｓａｌｅｓ，而是ｓａｌｅ屎．真是唔明，我都唔萛係屎吖，點解人人都叫我屎喎！
16 July 2007
11 July 2007
朋友的ｂｂ
朋友的兒子在昨日清晨出生，放工即刻去醫院探吓佢．小小的人兒可愛非常，他的身體太細少了，好像好脆弱的．我們這些粗粗魯魯的真是不敢掂呀！不過佢同佢哥哥一樣，出生時都有個好攪笑的O型嘴，佢阿哥出生時的樣子成個外星人咁架，嚇到父母死呀！仲要護士都話佢嗰樣真係有點奇怪．．．現在兩歲啦，嗰樣又幾ok喎．．．．最奇怪的是佢地兩兄弟是同月同日出生的，即是第日攪生日會可以慳番，一次攪掂兩個．
ｂｂ的哥哥
ｂｂ的哥哥
06 July 2007
i'm not a plastic bag
瘋狂的潮流終於來到香港，今朝返工見到置地門口有一條長長的人龍，阿gel問我攪咩．．．．我知道一定係手袋侵襲香港，百幾蚊抄到成千銀，仲要現在放暑假， 一定好多學生去排隊．
阿gel指一指我地的布袋話，"我地的袋都唔係plastic bag啦！"
我心裡在想："係，不過在他人眼中我地係爛鬼布袋嘛"．．．．．
阿gel指一指我地的布袋話，"我地的袋都唔係plastic bag啦！"
我心裡在想："係，不過在他人眼中我地係爛鬼布袋嘛"．．．．．
05 July 2007
04 July 2007
亂七八糟
現在新居在裝修中，我地想把電腦與有線電視接駁到全屋四部電視，但是不知是否可行．由於公共天線入屋後要駁到有線電視機頂盒，之後再由有線電視機頂盒出去異部電視．我地怕咁攪會令到天線的信號轉弱，最後連電視都睇不到！另外又唔知電腦駁四部電視又點攪喎，好煩呀！人地裝修就有判頭跟進，我地就自己做埋裝修判頭（冇錢呀），頭痕呀．．．．．
03 July 2007
02 July 2007
Subscribe to:
Posts (Atom)
