另一新玩具．．．．．．

阿gel買了這個給我，超好玩超累，所以時間都奉獻哂俾這件新玩具呀．．．．．．．

我們的新玩具

舊的數碼相機已經用了五年多，由於LCD畫面實在太細，我們決定買一部新的數碼相機，還可用來為我們的旅程拍下攪笑的相．左問右問之下，這個又厚又大舊的相機就成為我們的新玩具．

天秤座

不知是否星座影響性格，總是覺得自己在處理感情方面一向都很被動，差不多每段感情完結都是因為有第三者出現．細個時常都有貪新鮮的感覺，常常在一段感情轉淡時便想找另一段感情，希望那種熾熱的感覺能夠延續下去．每次想結束一段感情都總是拖泥帶水，想分手卻又不肯開口，被對方感覺再同我拖下去都冇結果時，由對方開口點都好過自己開口嘛．．．．

知為何我發那麼多牢騷，因為昨晚發夢被其中一個前度鬧我呀，佢話我自私呀！我知，我知我係，但是現在的我已經不一樣，可惜佢見不到咋．

衰心軟

有個朋友因為洗濕左個頭（開始了個學位課程），錢已經俾了好多，無論點都要完成，所以佢報新course時一定同我相量睇吓應該讀咩，因為我要幫佢做功課，好啦，而家真係要死兩份功課啦，要在放假前攪掂，都係衰心軟，唔應承咪冇事囉！

禮物

咁快已經收禮物啦，聖誕節要每人買分二百蚊的禮物，次次我都好頭痛，買咩好喎！又唔想買唔等駛的禮物（因為我都好怕收到唔等駛嘢），又要有心意，我覺得最好係放二百蚊入利是，收到嗰個一定開心架．

好難食．．．．

同事請我食這個又貴又唔好食的薯片，我覺得薯片一定要夠脆否則難以入口，而這個古古力薯片是在薯片上加上一層古古力，又咸又甜咁，都唔知佢想點，而且一點都唔脆的薯片，咩吸引力都冇呀！

b仔．．．．．

看報紙全都是講緊花紅，攪到我都不停在想究竟今年有幾多b仔，希望夠我出年去北海道玩啦！

日圓跌日圓跌日圓跌日圓跌日圓跌．．．．．

一個人

過去幾年已經習慣了阿gel在身邊，佢去了台灣我好悶呀！

暫停使用

今日搭巴士途中給我看到這個牌，紫色的告示套在巴士站牌上顯得非常顯眼．踏入十二月，成個人都完全跌入假期的心態，每日返工都唔想做嘢，不停在網上搜索各旅遊景點．我好想偷這個站牌放在我個位隔離呀，咁D人離遠見到咪唔會行過黎囉！　

好的唔靈．．．．

嗰個新鮮叫我小心生瘡．．．．．頂！竟然一矢中的，買六合彩又唔見咁準．昨晚睡覺前覺得左眼有少少痛，理都費事的我沉沉入睡去，今朝起來望向塊鏡．．．．攪咩呀，隻眼腫成咁架，好生唔生，生係隻眼度，點見人呀．．．．．．yiu yiu yiu！！！！！

要睇醫生．．．．．．

火辣辣的CN．．．

星期日老豆從台灣回港，他帶了我最喜愛的麻辣臭豆腐回來，其實每次攞麻辣臭豆腐回來都要經過非常煩的過程，所以我們第一時間就會用來麻辣火鍋，一點都不會浪費．這個麻辣臭豆腐是叔叔從台灣夜市買很多外賣回家，把臭豆腐跟麻辣湯放進一個大膠盒放涼，再把整盒豆腐放進冰箱雪至變冰，跟著老豆便帶回香港．為何要雪至變冰，是因為怕在飛機途中麻辣湯倒出來，但最怕的是臭豆腐味道臭死人，怕人以為有死屍呀！

我們買了肥牛和魚，食到顛，滾吓滾吓，全部嘢被我地清哂，食的過程非常享受．但係昨日同今日我都屎滾滾呀，攪到我個CN（屎eye）火辣辣呀．．．．．好辛苦呀！相信我咁火辣辣係因為我飲了很多麻辣湯！！

今日睇到冬冬話佢都有食麻辣臭豆腐．．．佢．．．．應該冇事．

歲月

很多人都選擇年尾結婚，可能因為天氣的問題啦！這個月我有三單呀，真係做人情都做到手軟．剛剛去完大學同學的婚宴，成圍同學很多都已經結了婚，仲要有了小朋友，小朋友就成為當晚重要的話題．即係嗰d讀邊間學校好，食咩奶粉．．．．．悶到我死呀！個個都成熟了不少，除了我．．．　大家都話我完全冇變，死啦，即係同讀書時一樣白痴呀！見到有幾個男同學，佢地頭頂上已經冇咩頭髮啦，嘩！都係三十出頭，咁快就冇頭髮，老多幾年點萛．

YEN YEN YEN

次次都係咁，我去親日本旅行，嗰d日圓實升喎，好似係要與我對著幹咁！我已經叫哂我的朋友，每晚幫我發工，我要用念力令到日圓跌跌跌．．．．好，發工．．．

日圓跌美圓升
日圓跌美圓升
日圓跌美圓升
日圓跌美圓升
日圓跌美圓升
日圓跌美圓升
日圓跌美圓升

電話

細個時超級鍾意傾電話，真係唔知點解有咁多嘢傾，咩狗屎垃圾都傾一餐，我仲記得一放學回家就傾傾傾，唔到食飯阿媽鬧都唔收線．同咩人都可以傾，食完飯後又係傾電話時間，有時仲會攞住個電話直到睡著．反而現在手電是廿四小時開著，但是每次講電話時只要重點講完後就即時收線，講多句都唔想咁．究竟是什麼令人改變？為何現在不像以前那樣？是我變得不再多話還是說話令人累？

再講一講啦！

這個叫ATV的越野四驅車，全程二個多小時，有不同國籍的人一齊玩，有專人帶我們走過不同的泥濘地，玩到成身都是泥濘，不過完全冇人怕污漕，超好玩呀！總萛在布吉有值得去玩的地方！

拾香紀

拾香記是作者陳慧在十年前的作品，第一次看到這本書是在樓上書店，當年的我最喜歡在書店打書釘，可能年輕的我實在有太多時間，真是幾無聊．看了幾頁已經完全被書中的拾香吸引，好想知道發生在拾香身上的所有事．買了書回家，重看又重看，以後一看到陳慧寫的都要看一看才心息．最近在雜誌見到”拾香記”三個字，成個人又跌入了回憶裡，想起當時我看此書的心情和情景．原來有人把拾香記改為舞台劇，我又怎可不去看．訂票時發現原來好滿呀，加埸又加埸，最後被我買到了．可憐阿gel要陪我看，相信佢悶足了兩個多小時．

看完後，深深感受了一個字充滿了我腦海－－－”愛”

醬油

這間開在公共屋村的雜貨店，它們出產的醬油超好味，與超市賣的完全不同．
聽聞它們有自製工場專門製作所有醬油和醬料，麵豉醬用來蚊嘢一流呀！

新玩具．．．

由於超有型的愛風唔會在香港出，咁唯有買住這個新玩具頂住先啦！這個玩具比我舊有的pda電話薄了很多，令我攞出街時感覺輕型了不少，而且反應ok，唔太慢仲有少少似愛風咁可以把相轉來轉去，止吓我對愛風的癮啦！

go go go..............

未出發先興奮．．．．．
滑雪滑雪滑雪
人人都鍾意滑雪
日本藏王我黎啦．．．．．
近日正不停搜尋十二月旅行的資料
去那裡玩
住在那裡
開車要多久
在那裡租車
最重要是那裡有好嘢食．．．．．．．

好味呀！！！！！

這個在泰國買的薯片，超好食呀！下次去泰國一定大掃特掃呀，唔知九龍城有冇得賣？

心痕．．．

朋友的電話．．．我當然知道很多人已經擁有，可是我還是害怕買水貨沒有保養，改機後有問題咁點？究竟蘋果係咪唔想搵香港人錢，攪幾耐先係香港出呀？等等等等等等．．．．

爛尾天皇

我發現每次我寫親去旅行的遊記都總是爛尾收場，從中睇到我冇恆心的性格，三分鐘熱度，咁係唔得架，但係又好似改唔到．．．．．．yiu！！！！