低潮

過去的個多月經歷了人生的低潮，手術後工作又遇到從未遇上的重傷，再加上考無聊的公開試．．．

整個人完全浸於食瞓和發呆中，做什麼都提不起勁，幾時我可以從谷底浮上來呀．．

憎死人

做完手術後要介口，頭嗰兩日除了粥之外咩都唔食得，竟然有個白痴因為悶買定哂嘢黎醫院陪我順便開餐，睇住佢大吃大喝，激死我．．．．

蘋果碎

全身麻醉，手術後護士死命的叫醒我，係要我答佢為止，但是醒來表示要面對痛楚，其實當時絕對不知傷口在那裡，只知整個肚都似被什麼拉扯著，非常痛．難怪那些吸毒的人沉迷毒海啦，因為不用面對醒來後的痛楚嘛．

其實最痛那刻是過床的一刻，平時起身落床絕無難度，手術後要由一張床過去另一張床簡直是無比的困難．在我而言當然唔好郁我最好啦，但是點都要瞓番上房內的床上．其實都唔明點解，經歷過無數人的痛楚，點解醫院唔設計一些可移動的床，做完手術後病人咪唔需要咁辛苦囉．

嗰樽就是蘋果碎，醫生最後都用微創手術幫我攞個蘋果出來，由於蘋果太大，醫生要在入面切開個蘋果再慢慢攞出來．原本我仲想睇吓整個蘋果真真正正係點，留為紀念，可惜得蘋果碎而且仲要攞去化驗，真是有一點點失望架．

痛

做完手術傷口痛，但不及看電視時的心酸痛．．．．．

大學畢業生

每次去台灣都一定會去探望叔叔一家人，今次見他發現他老了，這八年真的把他們的生活都磨平．原本做生意的他，因為經濟不氣，所以要結束生意轉行打工．而這時間剛好他的第三個小孩才出生，真是生活迫人．最後他只有轉去做送貨，怎會想到一個大學畢業生要去送貨．仲要他的姊妹全都大學畢業，可惜一起失業，難怪佢咁憎阿扁．

看到他的景況，其實都幾害怕有小孩，試想如果小孩出生以後生活有什麼改變，要他們一起跟住受苦咁，倒不如自己受苦．

整裝待發

剛從台灣回來，又要整裝待發為我的去蘋果之旅作好準備．最重要的是帶電腦，因為每天困在床上會非常之悶，一定要以電腦來打發時間，我已經把要看的劇集放入電腦，整個season的housewives應該夠我睇．我現在最怕的是手術後不能下床，什麼都要在床上攪掂，即係要係床上解決呀．．．．諗起已經辛苦呀．．．．

08 北海道之旅 － 早餐

我地在旅行中發現一件事，唔知在北海道的早餐有什麼特別，因為我們每人每日都非常暢通，每朝早餐後排隊發放．仲要是非常軟熟，我們好似都因此而變得健康咁．只是去北海道先係咁，上次去藏王又或是東京都唔好咁架，唔通是北海道奶？

08 北海道之旅 － 串燒

去二世古的朋友不可錯過這個晚飯宵夜的地方，食住串燒飲吓酒，氣氛幾好架！

08 北海道之旅 － 宵夜

唔知點解去旅行時可以食咁多嘢，明明已經飽到唔識郁，但係返房又食過．

在三角市場買的超正海胆

超濃味cheesecake　我最愛

08 北海道之旅 － 又一晚餐

每晚我們都期待的就是今晚食咩餸．

salad是扮羊蹄山　都幾似架

好q新鮮

豬肉球

精彩野菜卷

老闆自製綠茶蛋糕

台灣三芝

星期五放工後就去台北開始我的飲飲食食之旅，我們打萛在星期六去三芝的淺水灣，好似好遠，正在打萛應該租車定係搭公車．租車就幾百蚊一日，不過晚上仲可以開車去基隆夜市．如果搭公車就好似比較轉折．．．．

我已經寫定一個"i want to eat list"，希望可以完成啦！哈哈！

叫一個鍾意食的人介口真係好鬼辛苦架！！！！！

精神抖擻

當日幾精神，今日就好鬼攰．雖然在雪場跌到爬街，但是起身又黎過．現實生活咪又係跌到滿身損傷，真係生活逼人呀！

08 北海道之旅 － 下午茶

滑雪途中最好就是來一個令人開心的下午茶，保補充體力再黎過嘛。

我當然選擇最喜歡的窩夫，仲有南瓜雪糕伴住食，望住漂亮的景色，人生一大享受呀！

出名的羊蹄山

08 北海道之旅 － 拉登

拉登～肥仔

08 北海道之旅 － LeTAO

這間在小樽出名的甜品店亦是不能錯過，他們非常人氣爆燈的cheesecake，入口非常濃郁的芝士味，一定要食呀。看到所有放在雪櫃裡的甜點都想食呀，但是肚子的空間有限，唯有作出選擇啦！

超人氣cheesecake

香濃的北海道芝士製

買咩好呢？？？

無地自容

放工相約朋友去happy hour，隔壁坐了一對澳洲夫婦非常健談，他們不停問我地有什麼地方可以去。我地作為好客的香港人當然立即介紹本港旅發局花錢攪的幻彩詠香江啦～～～怎知～～

人家話已經看過了，但是不明白我們為何浪費資源在這些東西上。要知道現金資源短缺，環保是地球上每一個人的責任，佢地仲話係澳洲完全唔會開那麼多無謂的燈，不會像我們那樣浪費喎。

聽完之後我真係覺得無地自容，我地旅發局仲整日宣傳，其實有冇想過旅客要的係咩架！

年紀

不知年齡是否各人心中重要的一環？男的一定要比女的大是否必然呢？

朋友近日在埋怨，年紀比她少幾年的男朋友一點經濟概念都冇，可以在月中已經用到咩錢都冇，銀行只有兩位數，仲要問屋企攞錢。佢話頂唔住啦，唔可以俾自己再咁下去浪費自己時間。

我覺得不是年齡的問題，是那個男的人生態度。出來做嘢仲要每月問屋企攞錢，唔係呀！鍾意一個人都要面對現實，d人成日話港女要求高，其實真係唔萛要求高，只不過玩今大多男生都冇了我們父輩們的那種責任感，叫人怎有安全感喎。

中醫

朋友與阿媽成日都提議我去睇中醫，說真，我總不知中醫是否真有效。看了個多月，每天都飲那苦到死的中藥，但是我完全感覺不到有咩改變。會否是我的問題呢？

遲鈍真係冇得醫架！

好天氣

難得在星期天有陽光，我地起身之後都總是喜歡留在床上不願起來。望向外面的藍天白雲，不去一去郊外好似對唔住自己咁。

一於開車去食個美滿的早餐！

開車沿吐露港公路往上水方向一直至粉錦公路，過了哥爾夫球場就是榮昌茶座。這裡有室內和室外位，想享受陽光當然要坐室外啦！（不過下次要諗清楚，因為.........）

有很多開Harley Davidson的人都在此休息，佢地非常注重人們的目光，都是看與被看啦！看來大多開Harley的人都有番一定年紀，收入與享受是成正比架，看見他們有些人頂住一個大肚腩，好似同有型差了點點距離，所以各位記住有機會型就要型，錯過了最好時機就有型變冇趣架啦！

我地叫了出名的豬排包同紅豆冰，豬排真係好好食，咬落鬆化又夠味，食得出是新鮮豬排。阿gel話紅豆冰比九龍城的還要好飲，紅豆大大粒又軟，奶味冇咁重喎！

去之前已經被人提醒唔好著短褲，人家話郊外多蚊喎！懶有性格的我見人著短褲又唔底得，一身去游水的打扮，點知...........成身蚊痕回來...................激死人啦！手手腳腳總共被蚊咬左三十多處，佢就竟然冇事，有冇攪錯呀！

坐在外面幾舒服架

門口可泊車

泊滿Harley

冰凍即磨咖啡

大粒紅豆冰

好味豬排飯

食食吓先記得影相

戰績

地址～上水粉錦公路蓮塘尾村一號