kingdom 2508 bbj: March 2008

31 March 2008

泰國湯粉

阿gel心血來潮話好想好想食泰國粉，我懷疑係因為佢睇完本曼谷遊之後忍不住冇得去泰國，唯有去九龍城食碗粉頂住先啦．

去九龍城行吓搵吓，我地去左昌發，入去的原因係舖頭門外有個易拉架介紹湯粉，泰國的湯粉最重要是個湯夠濃，可能泰國的天氣熱所以要食濃一點的味道，湯味道得非常非常好，粉吸滿湯味之後勁加好食呀．食完之後，我覺得其實唔需要去泰國啦，九龍城昌發的湯粉同係泰國食冇咩分別喎．

走時經過泰式雜貨店見到有剛炸起的炸香蕉，我見一大班泰國人擁住去買，轉眼已經整盤炸香蕉賣哂，想試都唔得呀！

我的豬肉丸金邊粉

炸香蕉

去班．．．

我上次在北海道買了這個回來，聽說每日吃能詳至去斑班之效，我現正積極跟進，有效話你知吖．

我最怕係日本仔又一無用之作，怕浪費金錢同心機呀！

忽冷忽熱

星期六天氣熱得可以去沙灘暢泳，星期日太陽收起了潮濕得令人發脾氣，昨晚展輾轉反側熱得睡不著，由十一時上床，直到兩時多都不能入睡，谷氣得立即起來關窗開冷氣，之後才能心平氣和入睡去．今早起來溫度又下降至二十度，那麼大的溫差，唔病就難啦．．．．

28 March 2008

08 北海道之旅　－　小休

那片小小的朱古力蛋糕在我倆倦到死時作出了起死回生的功效，我們在雪地上不停的跌跌碰碰，人家係滑下山而我地係碌落去，玩了一整天之後真係唔想郁．在雪埸買的朱古力蛋糕，外表看沒什麼特別，入口卻又香軟無比，香濃的朱古力味充滿整個口，配一杯熬咖啡，食到人唔想走呀．

08 北海道之旅　－　民宿美食

我地住的民宿每日都會供應早晚兩餐，老闆每日都細心安排，每晚都有不同的餐單，我地只坐著研究那餐單已興奮得不得了，當一道道菜放到我們面前時，真係會大笑架．一萬丹一晚包超豐富的兩餐，抵玩啦．

前菜

好新鮮的帶子

白汁芝士焗煙肉薯仔，勁得

豬肉料理．．．ok啦

27 March 2008

老殘遊記

今日飯後無聊跟同事在公司爭拗，我記得曾經讀過一課書係關於大明湖，而該課書應是在中一至中三出現的，而同事就不停說有關大明湖的嗰課書是在會考才出現，拗來拗去，都唔知誰對誰錯．但是我中文的程度都係去到中三，又點會識會考課程呢？

貴油

油價不停升，講真吖，自己都唔係好願開車，感覺係每踩一腳我心都流緊血呀．
係咁的環境下你仲要問我借車．．．．．．．
唔通我唔借咩．．．．

26 March 2008

無聊

今日的工作量小得驚人，我可以看完整份蘋果之餘仲同朋友傾吓電話，好簡單咁話題又去到旅行上，講吓講吓，其實地球上仲有好多地方可以去，點解我地轉來轉去都總是去那幾個國家？
俾老闆知道我咁認真地談論無聊嘢，唔知佢有冇後悔請左我呢．．．．

星期三

返多兩日又可以放假，真是唔太願返工．朋友又正在計劃去旅行，她的目的地是陽光與海灘．．

陽光與海灘．．．我都好想念妳呀！唔知普遍的人喜歡放假去落雪的地方定係陽光與海灘呢？對我來說都幾難取捨．．．兩樣都同樣喜愛．

25 March 2008

好天氣

昨日的陽光好舒服，四日的假就咁完了．．．．．．．．幾時有假放呀？

08 北海道之旅　－　牛角

唔知點解，去到日本一定要去牛角食燒肉，這已經成為我地的共識．哈哈！今次去食午飯，其
實冇幾耐先才食過早餐，事實一點都唔餓．可是阿gel一心要完成’探訪牛角’的任務，咁我為有捨命陪君子啦！

唔肚餓之下，我最鍾意的仍然是牛利，一入口滿口油香，咬落質感一流，難怪次次都食啦！

08 北海道之旅　－　民宿

我們去了二世古滑雪，由於我喜歡民宿的溫馨，所以連續五日都住在這民宿．民宿老闆非常細心，亦把民宿常常保持在最佳狀況．最最欣賞的是他們的美食，我們就每日都想著有什麼特別的早餐跟晚餐，相信如果我地唔係玩運動量大的snowboard，肯定住完會肥最少五磅呀！

聽說在日本，北海道人係會把暖爐開到廿八至三十度，所以火爐對於我們來說真是太熱．在室內都只需要穿t-shirt，外出就凍死，入面就熱死，超級冰火呀！

民宿外貌