阿gel超級留意香港的樓市，我就當然對樓市一知半解．每星期六佢都一定要看”睇樓皇”和有線的’棲盤傳真”，我總是對佢說又唔係買樓都唔知睇黎做咩，佢 話係佢的嗜好，俾佢激死．佢對各新樓盤瞭如指掌，現在發展商把新樓的名改到超級高貴，引各位有錢人士落?．我成日都問佢依個ｏ個個屋苑，佢每次都快而準咁 答到係邊度，真係好強．
我發現現在的新樓，係就係整得好高貴，每個單位叫價高到死，個d所謂建築面積真係嚇死人，７００尺樓實質俾你住的只有４５０尺，但係你就要俾足錢買７００ 尺，難怪發展商發到豬頭咁．仲有一個咩”發水樓”，我唔太明係咩，應該係政府話可建面積係ｘ尺，但是發展商係賣樓時把所有九唔搭八的野計埋落去ｘ＋ｙ尺賣 俾各位．唔知點解我地的尊貴的政府點解唔規管一下．．．
skip to main |
skip to sidebar
冷氣人
4 comments:
係啦,買斤菜俾人呃都可以去消委會投訴,
但係買層樓d地產商呃政府就唔多理,
你話呢d係唔係叫官商?結呢?
正把鬼政府! :E
fresh:咪係.....我地個政府講就天下無敵,做就無能為力呀...
都係舊樓抵﹐實用面積大好多~
冬冬：舊樓係抵，不過要用比較多的錢去裝修．因為舊,所有水管電線都要換過，而且又可能需要大裝修，全都是錢．而且不能計落樓價內，銀行估價唔理你放幾錢去裝修，所以裝修費是沒有回報，好似潑出去的水一樣．．．
Post a Comment