上年尾申請了BBJ做自訂車牌，二月寄信俾我叫我俾錢，到今日先有得投牌．今日又大雨喎，去到灣仔會展已經身水身汗．我對今次投牌一點都不樂觀，我知BBJ一定好多人有興趣．我最多只是願意俾幾千蚊，當做善事囉．第一口價五千蚊，第二口價已經叫二萬蚊，痴線架．．．．．激死，唔需要呀！最終個牌四萬五成交，阿gel仲想舉手投五萬蚊，俾我鬧到佢傻，五萬蚊要儲幾耐呀，五萬蚊可以做到好多嘢啦，起碼可以用黎裝修吖，佢話如果投到我一定會好開心，我叫佢不如俾五萬蚊我好過，不過佢話．．．好難啦．．．．．．
失望了成日，下次仲投唔投好？BBJ都俾人用左，我用咩好？
3 comments:
無所謂啦,
一切在心中! :)
ps:我真喺好想八吓 2508 喺日子嗎?
bbj又喺.....?
I keep thinking bbj is BB仔
fresh:2508不是日子．．hehe! bbj係一個花名的簡寫，由於此花名是身體特徵，所以不能透露．．．．．
tofu:唔係呀！係我的花名呀！
Post a Comment