都會駅

這個位於調景嶺地鐵站上蓋的都會駅，是由長江興建．大家都知長江樓的口碑有幾好架啦！有個裝修師傅叫我上佢在都會駅的單位睇睇，因為佢正為這個單位裝修，可以睇吓佢的手工喎！同阿爸阿媽上到去一睇，真是嚇死！八百幾尺的單位，實用率小得驚人，廚房僅夠一個人通過，基本上開雪櫃都會阻住哂，所謂的三房，每間的面積小得可憐，放了一張正常的床之後，只可放一個小小的衣櫃，真是入房就要上床咁細．而個廳同我現在住緊的五百尺樓比仲要小，又長又窄，一點都唔好用．係就係多了一個環保露台，但是這個所謂的露台是需要計入銷售面積內，又一搵笨賣點．

我們掛住睇樓，差點忘了此行的目的是睇裝修．不用太仔細看已經知道唔掂，這個師傅講到咩都得咁，但是手工其差，我都知現在大多傢私都係在大陸做，但手工都唔係咁差呀．．．而且我現在用緊的傢私都係大陸做啦，好過佢好多呀，上次我都係求其在沙田的傢私舖做之嘛．．．．

睇完樓後，阿媽問我老豆．．．”換樓有咩好換呀，四五百萬的樓都咁細，搵笨！”