西貢hea一hea

星期日起身睇完有線電視的一粒鐘真人蘇，節目介紹西貢的一些好食的餐廳，攪到我想即刻去食．當阿gel開車到西貢時，我地發現四周都係車，假日到西貢的遊人真不少，好在沒有自由行，大都是星期天出外走走的香港人．泊好車向我們心想的餐廳進發，搵來搵去都唔知係邊，所有的屋都唔跟號碼，在１７９５號旁竟然是２９１號，咁即係點呀！我地行到成身汗，打電話去餐廳問位置時，佢問我地有沒有訂位，如果沒有的話就不用去，因為最早都要晚上九點九先有位．．唔係呀，我地專程開車黎架．．．於是我們就求其食點野就萛，有一點點掃興．

當我們漫步到碼頭時，發現佈滿賣海鮮的小艇，我們即刻睇下有咩好買，星期天可以在家煮海鮮餐嘛．我們的收穫是鮑魚和青斑，可惜我老豆吃時話條魚只是養魚不是海魚喎！下星期天係母親節，阿媽叫我地買海鮮返屋企煮俾佢食，好過出街食又貴又多人，佢唔想同人迫喎！咁我地去西貢買好定係去屋企附近的街市買好．．．．