近來發現肚腩越來越大，心想一定是因為旅行之後心情放鬆，食多運動少所以成個人都脹大左．去做身體檢查才發現大鑊．．．．．．有．．．．醫生話有個瘤係身體入面，成個蘋果咁大，問佢要點又或是應否開刀，頂．．．佢唔答我呀！佢只是話會refer我去睇個專業的醫生．即是由現在開始直至見專業醫生，我個心都會有點忐忑不安．
嘩，有個蘋果在我身體入面，諗起都覺得攪笑，唔知可以點樣攞佢出黎，攞出來之後又可唔可以放在家做擺設呢．．．．
同一個同事提起，佢話有瘤係好普遍的嘢，佢仲話如果女人唔生仔就大多會生瘤．唔係呀，都唔知佢依個理論點得出黎架．
9 comments:
邊度有瘤? 子宮呀?
>如果女人唔生仔就大多會生瘤
呢樣係真架。我姨都生過﹐個醫生都係同佢咁講架~
冬冬：係呀．．．．．
竟然係真，真係唔生仔就生瘤，咁咪好多人生，點解架？係咪因為子宮點都要搵d大舊嘢係入面擺吓呀？
好似係關hormones既事架~
好欣賞你樂觀的性格,
人開朗啲,身體會好啲,
一定無問題,
只要照醫生講去做就得!
祝身體健康! =)
haha... 好閒姐, 我都有隻蛋啦!其實有無生過小朋友無大關係. 講出黎好多女同事女朋友都有"ping pong 波"呀, 柑呀, 提子呀咁... 聽醫生講啦, 佢話割咪割law, 依家可以用"微創"做, 好easy!
5 d cut it out lah...wish u well~~
Wish you well.
咦。。。好恐怖。快D搞掟粒野。。。保重~~
fresh：唔樂觀都唔得啦．
imak：係呀，我都想用微創呀．．．．
tofu：就cut啦．．．
ruth：thank you.
hana：我都想快點攞個蘋果出黎呀！
Post a Comment