昨日在上班時間去了看專科醫生，現在去睇醫生就萛已經預約都要等個多小時才可以睇醫生，不知是overbook定係醫生睇一個症的時間俾預期長呢．等睇醫生時我睡著了，仲要睡至頭搖又尾擺，相信同我一起等睇醫生的人一定冇咁悶．阿醫生身材幾好，四十多歲又keep得唔錯喎．佢話我個蘋果由於在短短幾年間由雞蛋長至蘋果，一定要一刀切，攞個蘋果出來化驗一下，睇吓個蘋果係好定壞喎．好煩呀，要切即是要入院啦，要入院即是要放假，我最憎就是浪費我的假期．醫生仲話要快刀斬亂麻．．．即係越快越好，之後就一支箭咁叫阿護士幫我訂房，佢講到好似我平時去旅行訂酒店咁，佢話好快d訂，怕多人冇房喎！依家唔係呀，入醫院都咁誇，我以為去旅行先係咁咋，完來依家香港醫院都咁好生意，真係估唔到．一個星期後就要俾人切．．．．心情有點點反覆．．．．仲要我們已經出了機票在五月的long weekend去台北．．．．希望可以去啦！
三時去睇醫生，攪吓攪吓成六時多才可以離開．在出出入入的同時，不停找朋友問其他專科醫生，本想睇多個醫生攞second opinion，又另一個估唔到，個個醫生的booking都勁滿，有個下個月中，有個要七月中，最快嗰個都要下星期尾先有得睇．．．等咁耐，可能已經由蘋果變西瓜啦！痴線架．．．．．．
5 comments:
你咁嘅時候仲會留意個醫生嘅身材,
真係服咗你! orz
快快手手搞掂佢去旅行好過啦! =)
其實去到蘋果size 都唔洗點攞second opinion ga 喇...情況能"快刀斬亂麻" always 好過"剪不斷理還亂"啦!
fresh：入到去冷冰冰咁，又唔知留意咩好，咪留意吓阿醫生囉，話哂我俾佢切喎！
我都希望快點攪掂唔好攪亂我個台灣美食之旅呀！
imak：我都知架啦，希望一定唔好"剪不斷理還亂"啦．．．．．
短短幾年間--> 就是說如果每年做一次檢查，你前幾年年年都查到有瘤？爲什麽那時不切？
無事既唔洗擔心!!!
Post a Comment