車品品

這間車品品在大角咀,看完冬冬的post後便想試一下.因為唔熟路,在pda不停看地圖,轉了多個圈才到.在它的網頁裡說門口可以泊車,可是現正在整路,四周都被畫了雙黃線,只好泊在的士站.招牌有一點細,很容易走漏眼.剛入到店舖,熱心的老闆娘問我地的車泊在那裡,還叫人幫忙看一看.我跟她說看不到招牌,她亦說招牌被遮蓋不好看.

由於剛飲了茶,不是很肚餓,所以我點左車仔麵(蘿蔔,豬紅,豬皮,雞腎油麵).蘿蔔超級甜,阿gel試過後,即刻要叫一碗食.佢對食係有要求的,佢竟然勁讚蘿蔔好甜(佢話可能唔係一般本地蘿蔔喎!),豬皮同雞腎都好入味,炸豬油渣都ok.勁辣菜圃用黎撈麵一流.在研究餐牌時睇到有碗仔翅,佢又黠會錯過,因為佢係"碗仔翅狂".仲叫了杯紫牛(芋頭雪糕加雪碧),好正,好似細個老豆同我去餐廳飲o個種味.最後再叫了一碗糖水(阿婆蛋花湯),阿gel話幾好飲,清清地唔太甜. 佢成個食家咁(好似好pro喎!) 哈哈!食飽後才發現唔記得試最出名的魯肉餃麵,唔緊要啦,因為阿gel已經話下次黎要試依個依個同o個個,哈哈!