湧住黎．．．

搬屋絕對是非常龐大的工程，阿gel每日都叫我快點把所有嘢入箱，方便搬運喎．但係我有諗過一個方案，就是問人借一架搬運鐵車仔，在車仔上放一個大的紙盒，之後我地輪流整齊咁放哂所有衣物進去，把車仔推去新居，又整齊咁把所有衣物拿出，咁咪減少一個入箱的過程，而又乾淨整齊囉．我依種應該係懶人搬屋法，唔知work唔work呢．我仲叫埋一個多年好友來同我們一起勞動，哈哈，佢真是多得我唔少．

各樣電器排住隊咁送來，就得一個又就唔到另一個，真係好難安排．仲要把有線同電話線搬走，這個才是最難攪，要在家等阿師傅上黎再搬去新屋．．．．．．我的時間就是浪費在等待中．．．

七七八八

裝修了整整三個月的家快完工，真是不知為何，簡簡單單的裝修都要花那麼長的時間．昨日師傅話要加價，同老豆商量過，佢話加價萛合理喎，令我空虛的庫房更空虛．現在我對於裝修的各項事務非常熟識，相信如果有一天失業的話，轉行去做判頭都得呀．裝修有好多要注意的地方，因為師傅可以從材料處賺取很高的差價，如師傅用次幾級的材料扮外國入口材料，例如木板用薄幾分，有很多我們不察覺的地方，就正正是人家搵錢的地方，所以每樣嘢都要親力親為．

現仍在趕工中，傢私電器會在週末送到，究竟阿師傅點在短短的幾天做好所有嘢？

平靜．．．．

股海一片平靜，暫時冇咩好做，唯有寄望美國能帶給我快樂．．．．．

殺它死．．．

頑強電腦病毒已經被我一一殲滅，在restart電腦後再看不見那該死的window彈出，成個人感覺舒暢，好似有嘢積左係肚內好耐好耐，現在終於都解放出來．．．．哈哈！冇毒一身輕呀！

其實最重要的是我可以繼績bt我的Heroes.....冬冬已經看完整個season 1啦，我要急起直追！

愛．．．．

最近幾日報紙不停報導鐘楚紅丈夫離世的消息，感覺是他們一起的日子真是充滿愛．二十年是一段很長的日子，兩人走在一起真是要很多愛，看了報導都感覺到他們那滿溢的愛．．．．


相信是要很幸福的人才能擁有這種愛．．．．．．

冇心情

上星期睇完演唱會後，我條頸生了一粒非常非常之大的毒瘡，攪到我成個人都冇哂心機．粒瘡到今日都仲未好番，好痛好痛，又流膿，睡覺都睡不到，只可側睡，因為生在正正的後頸位置．由於生在後面我又看不到，阿gel幫我拍了照片．．．．．．真係非常非常之恐怖（恐怖程度連嬲記都話核突），連醫生護士都驚訝我粒咁大的瘡，個醫生仲特別為我粒瘡拍照留檔案．打了針，食了藥和搽藥膏之後，粒瘡不停流膿同流血水，粒毒瘡就由超大變為好大，好辛苦呀．．．．．

醫師話可能係我的免疫系統出了問題，咁究竟是咩問題吖？？？？？？？

我又有新花名啦，毒瘡ｊ呀．．．．．

不認不認還需認．．．．

部中了毒的電腦是阿gel的，仲要是剛買不久的新電腦．我就是見佢新，又快而且容量又大，一心想搵成套Heroes慢慢睇架嘛，點知會中毒喎．由於還沒有清除得到所有病毒，係佢面前我盡量都唔提電腦，不停搵其他事充塞哂佢的時間．．．．．．希望佢得閒的時候我已經可以攪掂啦！

演唱會．．．

現在已經是六時多，還有兩個小時張學友演唱會就開始啦．．．．．．唔知今晚幾點完呢．．．

泰豊廔

阿媽話很久沒有食涮羊肉，於是我們一家就去尖沙咀的泰豊廔打邊爐．最喜歡泰豊廔的火鍋，因是用真正的炭爐，感覺很原始．而且每次去到泰豊廔，我們必叫的就是山東燒雞，燒雞附有一小碟醬油，醬油應該是泰豊廔自己調校，加入少少蒜頭，美味無比．我們從小已經常常去泰豊廔，價錢大眾化食物又有水準，最重要的是伙計全部做了幾十年，好有人情味架，阿叔成日話夠食架啦，唔好叫咁多啦．而且每次佢地一定送高力豆沙和'but'絲香蕉．．．勁抵呀！

電腦節．．．

星期日我們兩條友傻下傻下咁走了去灣仔會展的電腦節，一次都未去過的我仲以為有好多嘢睇，原來好似去黃金商場咁，又多人又要勁排隊，最慘係唔知點解有好多奇怪男生，佢地成身汗味，好ｑ嗅呀，酸"叔”味好難頂．仲有一個現象，現場有很多著得比較性感（可是完全沒有美態）的女郎在sale產品，佢地都被很多很多的電車男圍攻，個個電車男都拿起相機不停咁影影影，真是好想問有咩好影呀．．．．．．本來我們想買一部15"的LCDTV放在家，最後咩都冇買就走左．

Cafe O

今日午餐去了皇后大道中的Cafe O，價錢ok而且食物水準幾好喎，最啱現在要減肥的我．Turkey Salad入面的火雞又不會”鞋”口，仲有一塊非常好味的garlic bread，食完之後非常滿足．而且很喜歡在很忙的日子，坐在入面享受lunch時的片刻寧靜，睇書又得，發夢又得，幾好呀！

點好．．．．

電腦病毒仍舊係度，我已經跟足方法，一步一步去做，奈何病毒就好像厲鬼纏身，無論怎樣，那個symantec AntiVirus Nortification都係不停咁彈出來．病毒呀病毒，你想怎樣才可以離開我部電腦呀？我們在weekend時已經不停咁嘗試，我覺得病毒就好像爛鬼電影入面的喪屍咁，打來打去都唔死．弄得我回家都唔想開電腦，我怕遲點我會有電腦恐懼症，連行去書枱的勇氣都沒有．真是唔明白，點解呀？為何同一病毒，人地可以完全清除而我就唔可以．．．係咪因為我樣衰呀？？我認囉，唔好玩我吖．．．．

救救bbj

今晚返到屋企開電腦，大鑊．．．．．．la嘢．．．．．　而且我們攪了成晚，個死人病毒點都整唔走，有冇人救到我呀？個symantec AntiVirus Nortification不停咁彈出來，點攪呀？佢話我中左Infostealer.Gampass和W32.Stration.CX@mm...........睇ｄ名都唔知係咩，clean又唔俾，delete又唔俾，妖．．．激死我啦．．．．．

戶外

阿妹要拍婚紗照，除了去那些什麼攝影公司之外，還叫朋友幫她影戶外的婚紗照．所以我們一行人就在星期日去了香港不同地方看拍照的地點，西貢白石，石澳，山頂和香港大學，我們只是開車去看看都已經大汗搭細汗，不知她拍照那天會熬成怎樣，一個穿婚紗一個穿禮服，仲要化哂妝咁，諗起都辛苦．我想她的心情應該是興奮的，如果我阿媽冇咁煩的話．．．．．

阿媽．．．

依個係我阿媽．．．．．我阿妹結婚已經成為佢的大事，每樣關於婚禮的事佢都一定有意見，仲每日都提我地唔可以失禮佢，真是很想同佢講，面子唔係一切，現在是阿妹結婚，最重要是她們開心，如果她每件事都順妳意而唔開心咁點呀，結婚是人生大事，當然是為自己而不是為別人啦！

阿爸睇完阿媽試穿這條裙時，好攪笑咁問阿媽：

”嘩！點解妳著到成個狄娜咁架？”

試婚紗

陪阿妹去試婚紗，原來係非常浪費時間，sales姐姐又話依樣唔得又話嗰樣唔包，好鬼煩．由於阿妹比較矮，所以好多婚紗都著得唔好睇．佢一心想著要穿一條好清咩都冇的婚紗，可惜肥矮的她無論怎樣都穿得不好看．原來穿婚紗都有心得喎，又要遮住依舊肉但遮得住依舊又遮唔住嗰舊，麵幾煩惱．哈，好在我不需要煩咋．

滿月啦

話咁快小朋友就滿月啦！好似好樣左，佢阿媽話放產假放到十月，真羨慕呀！只係羨慕佢可以放咁耐假．．．．好怕見到小朋友長大，因為佢地大個左表示我老左好多呀．．．．

做咩呀．．．

攪了成晚都post唔到相，做咩呀？係我的問題定係blogger的問題．．．

好臭呀．．．．

上星期日由於太累，難得一天在家，於是去了街市買餸回家煮飯食．在街市見到新鮮生猛的鮮蝦，被跳吓跳吓的蝦吸引，於是買了回家放在車上，邊回家邊想怎樣對付它們．

四日後，當我們興緻勃勃地想開車想出街時，一上車，嘩！好Q臭呀！嗰種臭係好似鹹魚同臭腳味，仲要係好臭的臭腳味，臭到想死呀！第一時間打電話俾老豆，問佢做咩放ｄ鹹魚係我架車上，但是佢不停話冇，仲問番我係咪放了一對波鞋係度，因為成車都是臭鞋味喎！冇人認之下，於是我同阿gel在車上不停搜索，由於已經天黑，好多暗角位真是看不清，唯有攞相機用閃光燈影底．司機位下面，靜靜地見它躺在地上，發出陣陣劇臭．其實真是幾恐佈，現在天氣那麼熱，冇虫已經好好．阿gel極速移走該條屍骸．但是臭味已深入了整架車，我們不停開窗吹，好似幫助不大，現在仲臭緊，唔知幾時散得哂．

虛脫的一天

每日都下趺的股市，嚇到所有人顛哂．散戶不問理由全沽．．．最多趺一千二百多點，很多人都打靶收場，怎料在下午有戲劇性的舉動，由下跌千多點，反彈一千點，真是心血少點都唔掂．眼見身邊的同事很多都面黑黑，食lunch搭電梯時，大家你眼望我眼，個個都好似輸到傻咁，哈哈，收市時只是趺了二百多點，奇蹟地他們的笑容又返番來了．

今日的上上落落，做到人都顛呀！