搬屋絕對是非常龐大的工程，阿gel每日都叫我快點把所有嘢入箱，方便搬運喎．但係我有諗過一個方案，就是問人借一架搬運鐵車仔，在車仔上放一個大的紙盒，之後我地輪流整齊咁放哂所有衣物進去，把車仔推去新居，又整齊咁把所有衣物拿出，咁咪減少一個入箱的過程，而又乾淨整齊囉．我依種應該係懶人搬屋法，唔知work唔work呢．我仲叫埋一個多年好友來同我們一起勞動，哈哈，佢真是多得我唔少．
各樣電器排住隊咁送來，就得一個又就唔到另一個，真係好難安排．仲要把有線同電話線搬走，這個才是最難攪，要在家等阿師傅上黎再搬去新屋．．．．．．我的時間就是浪費在等待中．．．
skip to main |
skip to sidebar
冷氣人
5 comments:
我早前搬屋都諗過你個方法,
不過唔多work, 實亂哂龍,
都喺好好入箱吧!
另外, 我看你個裝修師夫都好難依期完工了,
要小心安排傢俱和安裝電話入屋嘅先後次序,
唔喺一路裝修一路入貨就頭痕囉!
祝好運!
我同上,對上次搬屋都試過呢個大箱方法,
但係所謂好"整齊"咁擺入同拎出大箱係唔work既.
一來因為搬屋時好趕,尾段根本已經無整齊可言,
二來搬運過程令入面好"整齊"既嘢亂番晒.
我地用一張床單包住接好晒既衫,
之後好似古裝劇包袱咁包起,再一疊疊咁入大箱,
不過大部份最後都散晒.
重嘢就更加唔駛講,我地箱都爛了好幾個.
而且,因為啲嘢搬完要擺晒晌出嚟,
先可以整空個箱再擺嘢,
到你搬晒所有嘢到新屋你就會發現你成屋成地成床都係嘢,
攤晒晌度,比起一個個箱仲亂仲恐怖.
哇,諗起都恐怖,你真係good luck喇.
好彩我唔駛搬屋。。。我完全唔識執野﹐會將D野求其掉晒落箱算數。。。所以而家車房有好多我既垃圾箱。。。
之前同ex分開都係一日搞掂晒﹐我寧願D野從新買過。。。嘻嘻嘻~
對上次搬家
我的衣服
還在車尾箱
fresh：最後我要不停推遲傢俱和安裝電話呀！
kristie：哈哈，我地係一路搬一路執嘢，好攪笑，真係汗水加淚水呀．不過妳個古裝劇包袱都係一個好方法，只不過我用來包雜物，點都要再執架啦．
冬冬：從新買過，我冇錢啦！
嬲記：仲喺車尾箱，咁即是唔要都得啦！
Post a Comment