旅行

原打萛在復活節假期作出我們冬季的最後一擊～去多一次藏王滑雪，可惜所有冬京或仙台的機都勁爆．退而求其次諗住附近台北曼谷都殺，頂．．．．．travel agent話想都不用想，有冇咁誇呀？佢仲話今年內的所有long weekend都係候補位咋．．．．．

咁我幾時有得去曼谷呀？？？

執行李

十一天的旅程，應該不用帶太多嘢，相信最重的會是滑雪用品．希望回來時的行李不會過重啦！每次去日本都只係得嗰十幾kg，邊夠用喎．．．．

準備中

我知只不過是剛去完旅行不久，可是我又要為我的零八大旅行準備啦！今次會與妹妹和妹夫一起去，酒店已經差不多訂好，只是還在想應該租車還是搭JR，好貴呀！現在我對於日本的旅遊網已經很熟，因為是日看夜看的成果，雖然看不懂日文，但是可以輕易咁估到佢的意思．我成日都是未出發先興奮架！

YEN YEN YEN

次次都係咁，我去親日本旅行，嗰d日圓實升喎，好似係要與我對著幹咁！我已經叫哂我的朋友，每晚幫我發工，我要用念力令到日圓跌跌跌．．．．好，發工．．．

日圓跌美圓升
日圓跌美圓升
日圓跌美圓升
日圓跌美圓升
日圓跌美圓升
日圓跌美圓升
日圓跌美圓升

再講一講啦！

這個叫ATV的越野四驅車，全程二個多小時，有不同國籍的人一齊玩，有專人帶我們走過不同的泥濘地，玩到成身都是泥濘，不過完全冇人怕污漕，超好玩呀！總萛在布吉有值得去玩的地方！

go go go..............

未出發先興奮．．．．．
滑雪滑雪滑雪
人人都鍾意滑雪
日本藏王我黎啦．．．．．
近日正不停搜尋十二月旅行的資料
去那裡玩
住在那裡
開車要多久
在那裡租車
最重要是那裡有好嘢食．．．．．．．

全家．．．．

我鍾意食鹵味．．．．
但唔需要全家老味鹵味呀．．．．

阿默．．．

聽說這個阿默蛋糕在台北幾出名，所有蛋糕都係新鮮做出來，最多只可存放七天，其他的三天內就一定要食完．由於要去朋友家打攪她，所以胃食的我們就去買了兩盒俾朋友順便當然是買番盒自己食啦！我地買的是日本乳酪蛋糕，嘩！超好味呀！軟軟的入口有溶化的感覺，而且又不太甜仲有點點cheese味，勁正！最衰只能存放三天，如果唔係一定買多點番香港食呀！

無牌駕駛的白痴．．．

廣告牌

台灣的廣告牌對於我地香港人來說都幾攪笑，例如咩”震旦通訊”或是”媽媽的蛋”之類．這個”霜乳奶茶”，我離遠睇仲以為係”露乳奶茶”，我立即奔跑去影底，諗住睇吓佢的奶茶點露乳．．．

飲過之後，咪又係普通奶茶，之不過多點點泡咋．．．

築地魚市場

第二日早上，我們經不起那個侍應的說法，去了築地魚市場．嘩，想不到一大早的魚市場已經充滿了來買野的人群，最後我們終於知道為什麼有咁多人都去築地魚市場， 原來日本人跟中國人差不多，都要在新年前辦年貨，而魚市場就充塞了這些辦年貨的日本人．找了十五分鐘，終於給我們找到了那間壽司大．我們懶醒目咁係門口的 人龍排隊，點知人地指手劃腳咁同我地講龍尾係遠在他方的另一邊呀！嘩，原來條龍係非常之長架，但是一場到來唔試點得，於是我們在饑寒交迫中排了三個多小 時．那個店舖非常少，只可坐十個人，而且每人都大約要食三十分鐘，我們企在門外不停咁望住人地食，好似睇緊動物園入面的獅子老虎食野咁．睇見ｄ人食得好似 好陶醉咁，我們企在門外心裡不停在想．．”有冇攪錯呀，食咁耐，快ｄ啦，阻住哂．．．”我仲驚排左咁耐，如果唔好食咪死！

我是一個不食魚生的人，很怕一塊唔知點又有點腥的野係個口入面的感覺，嚴格來說主要是陪阿gel食咋．等到我們就坐，壽司師傅好細心咁立即送上一件熱的蛋卷，在門外等了那麼久，又有番點點溫暖．說回那件蛋卷，非常好食，絕對不是那種凍凍的普通蛋卷，真是喜出望外．我們選擇了十件的壽司，另有湯和壽司卷．那十件壽司是師傅按照當日最新鮮的來貨做出來，最後我們可以從十件中選一件食多一次．從第一件壽司入口那刻，我才知道原來魚生壽司是可以很好食的．那種入口即溶的感覺，一點腥味都沒有，令我知道那三個小時沒有白費．我相信我開始對魚生有興趣，當然是新鮮那種啦！

人山人海的築地魚市場

門外排隊的人

遠在另一邊的龍尾，我們正在人群中排隊

新鮮程度爆哂燈

我再點的海膽壽司

非常忙碌的師傅

鳥良

到了東京的酒店已是晚上七時多，放下行李便立刻開始我們喪買喪食之旅。行了一陣百貨公司便關門，曰本的百貨公司準時八時便收工，所以我們去了出名手羽先的鳥良食飯。每次去鳥良必食的是絹豆腐，入口豆味濃郁，如絲如絹般滑，不用加醬油已經超好食。入口之後禁不住閉眼品嚐，整個口腔充滿了豐富的豆味，真是回味再回味。

當時流傳日本有嚴重的諾沃克病，阿妹仲打電話叫我們不要食魚生。剛巧在鳥良給我們遇上了一位從香港來的侍應，她說的確是有腸胃病，而且有病的人一定不可以上班，但是我們一場來到，沒有可能不去試下，重要的是不要食那些平野喎。她仲超強烈推薦我們去築地的壽司大食壽司，要一早去，她說她前幾天的早上五時已經去但仍要等個多小時才有位。她最後仲話唔去一定是我們的損失呀！攪到我們不停在想應否改變行程去築地魚市場，我又不太喜歡食魚生．．．

忍不住吃了一口才記得拍照

戰利品

相中是我們部份的戰利品，我覺得真是有點喪買的感覺．平時在港真是很少買野，唔知點解去旅行時見咩都買，可能心情開朗，而且又覺得見到唔買的話，過了這個景點搵唔番，就是這種唔執輸的心態，弄得行李超級多同勁重．後遺症是超哂額的咭數．．．．希望今年的ｂ仔(bonus)可以打救一下啦！

Lake Tahoe

與朋友一起到Lake Tahoe，這裡除了滑雪之外，真是沒什麼可做．仲有幾間賭場，可惜我不太喜歡賭錢，朋友的丈夫本想賭幾手，眼見佢老婆那凌厲的眼神，最終都係唔敢玩．我總覺得這樣對待身邊的人不太好，小賭宜情，佢老公又唔係自己出去玩，係佢面前玩又有咩所謂．管得太緊有反效果架．．．

山上的雪景

我們住的小屋外

朋友為我們而設的鮑魚

這塊滑板勁好玩呀！

行街

同小朋友行街是一頂非常艱巨的工作，又驚佢地唔知走左去邊，唔俾佢去佢想去的地方佢地又會勁紐計．想想真是覺得父母非常偉大，竟然可以頂得住到我長大．

傻傻的monster

佢覺得自己好型呀！

monster姊第

MIB.......

我們給商場的Wii吸住..

我們不停爭住玩．．．

玩到顛左．．．