08 北海道之旅 － 小樽三角市場

去小樽不能錯過的一定是三角市場，市場小小的，所有海鮮游水生猛，即買即食．入口還有濃濃的海水味，小樽獨有的八角魚，大大粒帶子，還有就是游水北海道蟹呀！

我地的蟹呀

沿路有你

沿路有人在旁互相扶持
感覺溫暖安全感滿心

晚餐

買了回家才知道唔食得，點萛好？

當然食完今餐先萛啦！

哈哈！

擠迫

放假諗住出街走一下，怎知通街都是人，人迫人咁，走多步都有難度．入舖頭仲多人，全都是講普通話的人，我們兩個變為港燦，好似我地去了人家的國家咁．行一陣都頂唔住，返屋企睇電視仲舒服．

澳洲牛奶

最最鍾意澳洲牛奶的多士，又厚又軟，而且他們會把牛油塗滿多士的每一角落，絕對不會好似普通茶餐廳求其搽就萛．茶餐變化又多，可以通粉轉意粉，煎蛋轉抄蛋，麵包轉多士，正呀！
凍檸汁亦係一絕，酸酸甜甜咁，飲完好醒神架！

奶醬多

必飲的凍檸汁

怨氣

心中充滿了怨氣，所以要從運動中發放出來．可能由於怨氣太重，結果線都打斷．

阿媽叫我唔好再打波，佢話驚會對我個蘋果有影響．

有咩影響佢又講唔出喎

唔通會打打吓波個蘋果跌左出黎咩

咁又好呀

慳番手術費嘛而且又唔駛捱一刀

介口

剛剛發現我有好多嘢都唔食得，個list實在太長啦，睇完真係嚇死，因為大多唔食得的都是我鍾意的食物，真係要我減肥咩．

i want to eat list (can't eat)
蝦　蟹　蜆　三文魚
雞翼　燒鵝　叉燒　燒肉
芒果　荔枝　榴槤　辣椒
煎炸食物　
酒類
醃製食物（如咸魚、咸菜、梅菜、腐乳、臘腸)
咖啡　茶　酒　油脂類
炸薰烤類食物

如果真是要跟足，人生就冇意義啦．．．．

city super vs jusco

同一樣的士多啤梨，同一牌子同一品質，city super賣98而吉之島賣48，貴一倍呀！

city super標榜他們賣的不只食物，還有優質生活態度．．．．．

原來優質生活態度是那麼貴的．．．．．

我只想要一般生活態度咋～平d得唔得呀！

真係擔心架．．．．

整整一個星期都好攰，不知是否心理作用定事實真係好攰，每日返到屋企都手腳發軟，坐在梳化上郁都唔想郁，都未做手術已經咁．．．點萛．

醫生話蘋果的體積太大，唔可以做微創，要做傳統的手術，即係會有一條四寸長的疤痕係肚上面，想起都唔開胃，以後點著bikini喎．．．．

好在現在手術等到我去完台灣先做，叫做可以玩吓先啦！上網見到完來有好多嘢唔食得，點萛，去台灣唔可以唔食嘢喎．．．．．

爆笑

星期五放工去了看話劇，已經很久沒看了，因為阿gel唔鍾意，佢話又貴又悶喎．仲要因為佢遲放工攪到我地遲到要係外面等山多分鐘才可以入場，佢仲要聲明如果佢瞓著唔好叫醒佢喎，寸得佢吖．．．．

整套劇是攪笑加感動，難怪全院滿坐加場再加場啦．發生在任何人身上的愛情故事都是一樣，只不過有人比其他人愛得更辛苦．好認同當中的對白～”曾經覺得另一半一定要係能夠令自己心動，鍾意佢鍾意到傻左咁，好似吸毒上一樣．但是遇到自己的另一半時，絕對沒有那種心跳的感覺，一切都是那麼的淡淡然．只是感覺就萛閉上眼跌下去，他總會在下面安全的把我抱住．”

我們尋尋覓覓要的就是那種安全感．

散場後問阿gel做咩唔瞓，佢竟然話好睇喎．

意見

最近總是俾蘋果的問題攪得有點心煩氣燥，幫我攞蘋果的醫生原來在2004才取得專業資格，家裡人人都話一定要搵另一個比較有經驗的醫生喎，但是個個都fully book成咁，點睇呢？

終於阿媽不知怎搭路之下，我可以在明日插隊睇醫生．

泡湯

我們一早已經預了下個月的long weekend去台北，機票酒店都已經出哂．本想著攪掂個蘋果之後可以去玩吓，但係昨日阿媽強烈的表示不能去，佢話絕對要在家休息，不能操勞喎，去旅行有幾操勞呀．．．　

俾哂錢架啦．．．．．．．

蘋果呀．．．我要食左你呀！！！！！！

又壞了．．．

我的負能量又兇來攪鬼啦，部電視第三次壞．

第一次～有條黑線由左至右係電視畫面出現

第二次～整個畫面黑吓黑吓咁黑哂，仲自己熄左

第三次～另一條紅線由上至下係電視畫面出現

在我們心裡sony係一個信得過的牌子，都攪成咁．我打去問是否每次佢地都換舊零件俾我，佢地話一定唔會．咁我就話佢地的QC一定有問題，如果唔係唔會咁架．

最後佢地應承換過一部新機俾我，不過要等船期喎．．．．

黑雨

黑色暴雨的星期六，約了由英國回來的朋友去玩．人家已經結了婚連仔女都有兩個，眼見當年的天真已經變了現在負責任的父母，又一事實表示我老了．我地在橫風橫雨下上了山頂，再去赤柱，跟著左敦再去又一城．一日內去那麼多地方其實好攰，有小朋友仲攰，他們完全不理你正在做什麼，他們有什麼需要都要立即幫佢地達到，真係非常之累．

我們在回家途中才能享受一刻的寧靜，我相信朋友當然非常享受那種吵鬧的幸福，但是真係唔啱我．

快刀斬亂麻

昨日在上班時間去了看專科醫生，現在去睇醫生就萛已經預約都要等個多小時才可以睇醫生，不知是overbook定係醫生睇一個症的時間俾預期長呢．等睇醫生時我睡著了，仲要睡至頭搖又尾擺，相信同我一起等睇醫生的人一定冇咁悶．

阿醫生身材幾好，四十多歲又keep得唔錯喎．佢話我個蘋果由於在短短幾年間由雞蛋長至蘋果，一定要一刀切，攞個蘋果出來化驗一下，睇吓個蘋果係好定壞喎．好煩呀，要切即是要入院啦，要入院即是要放假，我最憎就是浪費我的假期．醫生仲話要快刀斬亂麻．．．即係越快越好，之後就一支箭咁叫阿護士幫我訂房，佢講到好似我平時去旅行訂酒店咁，佢話好快d訂，怕多人冇房喎！依家唔係呀，入醫院都咁誇，我以為去旅行先係咁咋，完來依家香港醫院都咁好生意，真係估唔到．一個星期後就要俾人切．．．．心情有點點反覆．．．．仲要我們已經出了機票在五月的long weekend去台北．．．．希望可以去啦！

三時去睇醫生，攪吓攪吓成六時多才可以離開．在出出入入的同時，不停找朋友問其他專科醫生，本想睇多個醫生攞second opinion，又另一個估唔到，個個醫生的booking都勁滿，有個下個月中，有個要七月中，最快嗰個都要下星期尾先有得睇．．．等咁耐，可能已經由蘋果變西瓜啦！痴線架．．．．．．

有左．．．．

近來發現肚腩越來越大，心想一定是因為旅行之後心情放鬆，食多運動少所以成個人都脹大左．去做身體檢查才發現大鑊．．．．．．有．．．．

醫生話有個瘤係身體入面，成個蘋果咁大，問佢要點又或是應否開刀，頂．．．佢唔答我呀！佢只是話會refer我去睇個專業的醫生．即是由現在開始直至見專業醫生，我個心都會有點忐忑不安．

嘩，有個蘋果在我身體入面，諗起都覺得攪笑，唔知可以點樣攞佢出黎，攞出來之後又可唔可以放在家做擺設呢．．．．

同一個同事提起，佢話有瘤係好普遍的嘢，佢仲話如果女人唔生仔就大多會生瘤．唔係呀，都唔知佢依個理論點得出黎架．

兩個白痴

佢地兩個為了ghost squad而傻左，終日都射射射，仲要夾計打大佬．由於wii的手制要在空中控制，佢地玩到要攞張椅墊住來玩．．．．

連我都超級鍾意玩呀．．．．

貴貴貴

星期日去街市買餸諗住煮飯俾成家人食，原來好貴好貴，豬肉六十，魚一百六十，菜又三十，貝殼類又一百．
一邊買一邊阿gel就在旁不停嘈嘈嘈，佢咩都話貴，我都知，報紙日日都講啦，通脹呀老細，食米唔知米貴．．．．．．．

迷上了

近日迷上了Jericho，故事有點點Lost的影子，整個town與外界隔絕，在家時總忍不住一睇再睇，當然另一理由是個男主角幾有型．．．．

我發現仲有好多好多其他我未有時間睇．．．．但我又想玩吓wii喎．．．．

氣味

香港的辦公室大多係商業大廈內，普遍都有同一的上下班時間．在繁忙時間就特別多人用升降機，十幾廿個人迫在內，大家都唔會有咩大動作，不過在此時最勁的殺人武器就是～口臭．

最怕就是人迫人，仲要大家都係困在個廂廂入面走唔到，唔該各位唔好放大個口抖氣啦，有d人個口真係好臭好臭，當轉身都冇位時叫人點避喎！我都知人係唔會知自己有冇口臭又或是體味，唔知有冇咪用鼻呼吸囉，唔好要人難受吖．