八卦

好鐘意在搭車途中偷聽人地講電話，其實嚴格來說又唔萛偷聽，只不過係人地講電話太大聲咋嘛。從偷聽人家講電話的內容可以知道對方好多嘢，包括屋企、家人、情人，有時甚至人家的財政狀況都可以清楚知道。仲可以猜想吓人家的故事，想吓聽吓好快就到目的地。

今日係巴士上偷聽到電車男俾女仔玩，仲要個電車男借咗幾萬蚊個女仔，相信佢攞得番錢的機會都幾細．我諗都冇人好似我咁無聊．

好多野攪

換樓係超級勁煩的事，買了又要賣，即是所有過程都要做兩次．仲要諗下點樣裝修，對於我地依種冇錢又有要求的人真是難度超高．過去幾天都不停行旺角同灣仔的建材公司，如果要用我們所想的建材，只是買材料都貴到飛起，仲未計人工呀之類的雜費．現在仲四處問人有冇裝修師傅，不停揾人打價，希望揾到個又平又正的裝修師傅啦！朋友話深圳的建材好平，看來我們都係要上深圳睇下格下價．成十年冇返大陸的我，看來要連續幾個週末返深圳啦！

換屋

現在住的地方太細，而我們又太多雜物，換一呎個大點的地方好似係唯一的解決方法．睇黎睇去又講價又還價，終於在昨晚成交．應該會有好多野要攪，又要搵律師同銀行，煩煩煩．不過最煩應該是裝修，記得上次裝修激到我同阿gel一肚氣，搵左個不付責任而又不可罵的人－老豆的阿哥．有了上次的經驗，阿gel話一定要搵個可以俾我們控制到的裝修佬喎．．．

全家．．．．

我鍾意食鹵味．．．．
但唔需要全家老味鹵味呀．．．．

阿默．．．

聽說這個阿默蛋糕在台北幾出名，所有蛋糕都係新鮮做出來，最多只可存放七天，其他的三天內就一定要食完．由於要去朋友家打攪她，所以胃食的我們就去買了兩盒俾朋友順便當然是買番盒自己食啦！我地買的是日本乳酪蛋糕，嘩！超好味呀！軟軟的入口有溶化的感覺，而且又不太甜仲有點點cheese味，勁正！最衰只能存放三天，如果唔係一定買多點番香港食呀！

台灣高鐵

台灣高鐵其實同日本的JR差不多，聽說剛開的高鐵問題多多，一時停電，一時飛站，但是我們搭了兩程都完全冇問題，又快又好，最重要係慳番多點時間俾我地食食食．

黑色星期五

今日係我的happy friday，返埋今日又有兩日可以睡到自然醒真係好開心架．點知係中環食完早餐返公司時，一抬頭就見到我的初戀情人迎面而來．佢扮到見唔到我咁，我又點好意思上去同佢打招呼喎．望住佢的背影，真是有點唏噓．聽說佢已經結了婚還有一個女兒，佢看來老了很多．一返到公司，我不期然照吓鏡睇吓自己係咪好似佢咁－老左！應該冇啩．．．．

回家後攞住大袋細袋諗住開車車俾人，我架車totally死左．．．完全冇反應！仲連個alarm都冇反應，照我估計係電池冇電，我好似白痴咁一袋二袋搬番屋企．又要攞去攪，煩煩煩．．．．

無牌駕駛的白痴．．．

好激氣．．．

昨晚回家收到罰款單，話上個月因為我違例泊車抄左我牌，有冇攬錯呀，我幾時有呀．想想吓一定係老豆俾人抄又冇出聲，打電話俾佢諗住問吓佢點解俾人抄牌都唔出聲．點知佢話冇喎！想來想去都唔知點解，最後佢想起係因為上次幫我攞架車俾人整時，放底架車俾車房後俾差佬抄牌啦！頂！車又整唔好，激死我啦．．．．．．
１

廣告牌

台灣的廣告牌對於我地香港人來說都幾攪笑，例如咩”震旦通訊”或是”媽媽的蛋”之類．這個”霜乳奶茶”，我離遠睇仲以為係”露乳奶茶”，我立即奔跑去影底，諗住睇吓佢的奶茶點露乳．．．

飲過之後，咪又係普通奶茶，之不過多點點泡咋．．．

食得太多．．．．

台灣之旅回來，由於食得太多．個肚攪完又攪，依兩日都係好唔舒服咁．．．返到香港完全唔想食野，又要返工個肚又痛．．．好辛苦呀！

結婚蛋糕

飯後在中環閒逛，竟被我們看到有間專幫人訂做結婚蛋糕的店舖，所有的結婚蛋糕看起來好漂亮，好像專為外國人而設的．我想在阿妹結婚時送一個俾佢，唔知貴唔貴呢．．．

遊戲

我地參加了一個投資遊戲，遊戲開始時每人有一定的金額可以投資在指定的基金，我地可以每月調整投放的金額和基金，比賽一年後結束，回報最高的幾位有獎．第一年的比賽我們嬴得相等於雙人東京遊的獎金，第二年只是得雙人三日兩夜的台灣遊．現在新一年的遊戲又開始了，今年我們的目標一定係歐遊的獎金，希望我們的運氣好啦！聽電視的專家話，今年的投資環境惡劣喎，咁我點決定投放資金在那裡呀．．．．．．

陽光

食飯時看見陽光普照，唔知今個星期六可唔可以去游水囇太陽？肥了很多的阿gel不停叫要做運動減肥，我地兩個每日都攞住個米芝連四處去，又真是離譜了點，遲吓又去台灣，都係去埋台灣先萛！

年齡測驗

這個Wii Sports有一個好玩的地方就是可以測試年齡，我要做幾個特定的動作，之後佢會基於我的反應，力度和平均力作出分析．第一次試時竟然有八十多歲，唔係呀！冇可能架！不死心地諗著再試會後生點，點知佢唔俾試，因為每天只可測一次．自此我地每日返到屋企都試，今日只有４４四歲，比昨日的３６歲老左呀．．．．．．．唔知有冇機會係１８歲．哈哈！

台灣

這幾日為了台灣之行做資料搜集，今次只會在台北留一晚，之後就會留在台中．從台北至台中是一個不短的距離，台灣的高速公路常常都有交通意外，都是搭火車比較安全．台灣新建的高鐵比子彈火車快，由於我們去的日子亦是台灣的假期，所以非常難買票．台中的朋友不停的話高鐵好麻煩又難訂票，叫我改搭台鐵，唔係呀，搭台鐵要成四個多小時，高鐵只不過是五十分鐘，我真係唔想浪費時間．死不甘心的我打電話去台灣訂火車票，哈哈．．．．．雖然難打，但係都俾我攪掂，到時去火車站俾錢拿票就可以．

泰菜

跟同事去灣仔石水渠街食泰菜，這間舖頭的位置有點神秘，因為我對灣仔的路唔熟，係咁跟住同事尾係九曲十三彎的街頭巷尾走．去到一條街市，轉入一間賣泰式雜貨店，仲要入到店舖的最入處就是食野的地方．看來真的有點似泰國當地的小食店，只有三張枱，可是就坐滿了泰國人和老外，難以相信老外都不介意係度逼呀！

主打是泰式湯粉，我就覺得味唔太夠濃，九龍城的同心比較好味．同事叫冬陰公湯，我試了一口，放了太多的椰奶又唔夠辣，粉絲沙律味道不錯，不過有點乾身，粉絲很快就吸哂ｄ汁．好的是價錢平，全是街坊價，食lunch都可以去試下．

夏．．．．．

氣溫２６－２７度，濕度亦下降了不少，看來夏天已經悄悄咁入侵了我們的生活了．即是又要大換季，把所有冬天的外套拿去乾洗放好，一定又要攪成個週末．

一家人．．．．．

其實在兩年前，阿妹已經生過一次大毒瘡在胸口附近，最後仲要入急証室呀！昨晚食飯時發現老豆都生了一個大毒瘡呀！今朝阿媽仲話要同佢睇醫生，因為佢痛到睡不到．阿gel仲笑我，佢話咁証明我地真係一家人喎！頂！唔需要咁去証明呀！不知是否因為我們食野的問題，定是遺傳的問題．．．

毒毒毒毒毒．．．．．

粒大毒暗瘡已平復不少，可是臉上還有非常大的疤痕，按下去還是實實的，好像有硬塊在入面．不理佢幾日但是硬塊好似唔願離去咁，俾阿媽”鵝”了一晚，仲要嚇我話我出癬，以後塊面都會有疤痕呀．嚇得我又要去睇醫生．今次係睇皮膚科，醫生話唔係癬，只不過要長少少的時間去腫，仲叫我不用擔心．可惜同大毒瘡講再見時痱滋又到訪啦，今次仲要打孖一齊黎．．．．點解唔放過我呀！