食在大內宿

非常肚餓的我們胡亂入了一間舖頭食嘢，我終於都親眼見到日本古時在屋內用的暖爐啦！我以往都只有在卡通片內才看到，我地個個都好開心呀，又係影唔停．

叫嘢食就係一個大難題，因為只有滿是字的menu，老闆是一對老年夫婦，完全唔識英文，所以我地都係求其點幾樣嘢就萛．其實我們叫的只係不同口味的蕎麥麵，可惜的是完全冇肉架，全素宴呀！最最重要的是好難食，我食左幾啖就放棄啦，好彩有人幫我掃哂．．．．

忙於唔知叫咩

佢地好衰呀

大內宿

大內宿．．．．．很多人都介紹過，上次睇裕美介紹時好大雪好靚架，可惜我們去時仲未夠凍，雪落下後已經變為水．大內宿仲係好多日本人必去的景點呀！

沿途．．．

我們一路向著大內宿進發，沿途九曲十三彎，又到我發揮車手的本色．．．．．．因為一直北上，天氣開始變得冷，我們由宇都宮的十度，慢慢到大內宿的零度，沿途停車走走時凍到抽筋．成身震但係又要影相喎，由於天氣太凍，口呼出的暖氣阻住影相，每次影相時拍照和被拍的都要閉氣先得呀！

下車休息一下

二荒山神社

我們行吓行吓又發現令一驚喜，面前竟然係一座神社～二荒山神社．返黎香港之後阿gel話係一間幾出名的神社喎，都唔知係咪架，佢講咩我都信架啦！由於宇都宮是路過的地方，我地想都沒有想過搵任何關於宇都宮的資料，好彩俾我地無意中去到咋！

對面就係神社

過馬路啦

二荒山神社

神社外的攤檔

好用心口念念的老父婦

字都宮的早餐

車子轉來轉去，很多餐廳都要十一時後才營業．走到市中心被我們發現廿四小時營業的小餐廳，有飯有烏冬，即係自己入錢買票之後再攞去櫃台，搵位坐下，幾分鐘後食物就會送到．在我心中這些餐廳一般都唔好食，因為自助的嘢質素好唔得去邊．

真係估佢唔到，烏冬好得呀，同香港食完全兩回事，烏冬彈牙又新鮮，湯底唔係淡而無味，同鴨胸肉超級佩合．阿gel的豬排飯就變得無咁突出啦．．．．．．．

冬季限定的鴨胸烏冬

晨早食咖哩豬排飯，佢傻架！

牛肉烏冬

要人同佢交換食．．．．．

瑜伽

今晚放工後與阿gel一起試玩瑜伽，唔知試完一堂仲會唔會繼續呢？

宇都宮的早上

由於整日的行程被我編排得密麻麻，所以一早就要出發，開車．．．．．

酒店冇早餐食，所以我們四處走看看有咩好食！

我們租的七人車

超平cheap cheap酒店

開車啦！bbj & gel！
無意中轉吓轉吓
被我們發現這個好靚的建築～宇都宮城立即停車影相

白痴仔

藍天

第一站～宇都宮

離開了機場，我們就戰戰兢兢的開始我的第一次～第一次在日本開車，其實一點都唔難，開始時不太適應，阿gel在旁不停幫我睇地圖．已經有GPS，只需要跟著走便可，GPS會不斷說話提醒你要點做，奈何我們唔識聽，每次發出聲音，我地都好似聽到異形講嘢咁，大家一起估佢講咩，令到開車的無聊轉為不少樂趣．其實開長途車真係好辛苦，四個人之中三個有車牌，可惜另外兩個都係新牌仔，仲要在香港都開唔掂，哈哈！我勁叫佢地個個都寫定幾隻字在家，在車上一定要帶上安全帶，費是有咩事一齊去左外星呀！

在GPS上告知由東京機場去宇都宮需要三至四個小時，而行車時間會跟隨路面情況有所改變．我以賽車手的姿勢，以兩小時十五分衝過終點．哈哈！

到達宇都宮已經很晚，其實宇都宮只是路過的地方，我們想住一晚再開車上山形縣，怕晚上開長途車頂唔順呀！我地求其揾左間餐廳食飯，我相信餐廳應該叫北海道，坐得舒服，可惜日本大多餐廳都可以吸煙，朋友開心得大叫，其餘三個唯有食二手煙，我已經成日叫佢小心食煙食死佢呀！

估唔到海膽飯都好得喎，係冇築地的咁新鮮，但是對比香港係超低食呀！依味唔知係咩，不過一點都唔好食，我地都係睇相叫，一咬入口有鯹味呀．．

牛乳煮蜆，幾甜喎！

前菜

超濃豆味豆腐

聽說宇都宮的餃子好出名，又確係好食喎

豚肉鍋就一般

飲飲飲

偷影

相中的那個家庭，是我在今次在日本首個遇到又好又識講英文的家庭，非常開心．我在香港已經在toyota租了一架七人車，在接待處的姐姐好努力地同我溝通．我說我們要去藏王，那個識講英文的爸爸幫我要求換雪胎，可惜阿姐姐話由於我們book的時候沒有要求，只可去到宇都宮換另一架車．可是換一部車的費用貴差不多兩萬yen，嘩，傻架，成千幾蚊，孤寒的我當然唔肯俾啦，我同阿姐姐講，就算買條雪錬都冇咁貴啦．阿姐姐不停咁同我們講日文，佢千叮萬囑我一定要用雪錬，因為好危險．．．．．．．．．我當然應承佢啦，哈哈！

原來車已經泊在外面，我們只需要利去攞車，儉查一遍車子的四周，工作人員教我們怎樣用GPS化之後，上車．．．開始我們的日本自駕遊．．．．．．

認真的想

近日阿gel常常提起想陪養一點興趣（即是去上堂喎），好等將來我們老了有點細藝！就佢這番說話，我真是非常認真去想，結論是．．．．．．

我已經反覆地去想，如果我有六十歲命，都已經活了一半，還有什麼我是好有興趣而又想學，真係冇喎！佢話由於我地喜歡去日本旅行，所以想學吓日文，但是一點語言天份和興趣都沒有的我怎學喎．佢提意我應該去學影相，因為我成日都左影右影，嘩，雖然我都想但學影相要投資好多在器材上，我又唔捨得，想完一大輪的結論是繼續在家發呆！

著迷

昨晚在家煮飯迎接全家，飯後當然又是wii fit娛賓的時間．各人玩得超攪笑，最最最攪笑的是我阿媽，平時超級認真的她，玩呼拉圈時的動作超攪笑，我們坐在她身後個個都笑到收唔到聲，仲要唔可以笑出聲，因為怕她嬲呀！我阿妹拍底了，看看有冇計放係度先！

想點呀

我已經很努力啦，很多時真是不知你想點．應該幫你定係唔幫呢？你的一時一樣，令其他人真是無所適從．今日又咁，明日又講另一套，你係走就快一點，直接了當嘛！

大量相

我發現我地勁鍾意影相，今次同朋友一起去旅行，被朋友笑我有問題，佢地仲問阿gel是否與我一起之後拍的相是之前的總和．．．．．．頂！

到達東京

由於工作關係要留守在公司最後一刻，所以阿gel比我早去東京．我們約了在東京機場等，一下機當然去了攞車啦！我們一早在網上向日本的toyota租了一架七人車，我想過七人車最適合四個人，因為收起最後兩排座位剛好放下我們四個人的行李和snowboard．我這個蠢人明知去滑雪，竟然忘記了指定要雪車胎，攪到租車時同阿姐姐你有你講我有我講，因為雞同鴨講呀！

放晴

潮濕了幾天，今日終於放晴．藍天再出現在眼前，放假可以望住那麼藍的天，好正呀！

天文台話兩日後有冷風到港，仲好！如果唔係，我地的冬季衫真是冇咩機會穿上架！

準備中

我知只不過是剛去完旅行不久，可是我又要為我的零八大旅行準備啦！今次會與妹妹和妹夫一起去，酒店已經差不多訂好，只是還在想應該租車還是搭JR，好貴呀！現在我對於日本的旅遊網已經很熟，因為是日看夜看的成果，雖然看不懂日文，但是可以輕易咁估到佢的意思．我成日都是未出發先興奮架！

時間太少

今日發現時間太少，在我放假完全放鬆之後，有很多很多嘢要看，我只有一雙眼，叫我怎看呀！

昨晚睡前仍留戀在我的Wii Fit前，玩至上氣唔接下氣時，有一冷靜的聲音響起：”好夜啦，瞓未呀！”　當時似俾人淋了一下冷水（又似做錯事被人捉個正著咁）．．．．無奈地睡覺去．我邊睡邊想，唔知有冇人好後悔送左個Wii Fit俾我呢！

All the Best in 2008........

我又懶完返黎啦！

放假我去了日本藏王，仲有就是瘋狂在家玩Wii Fit，而且仲叫哂不同的朋友來玩，被我發現好多人的不同反應，非常攪笑．

踏入新一年，好朋友的父親突然去世，令我覺得家人與健康是非常重要，就萛點有錢冇健康都冇用啦，及時行樂呀！

我都唔知自己講咩，雜亂無章咁，等我的魂魄返番黎先再講啦！！！！！