好失望

上年尾申請了BBJ做自訂車牌，二月寄信俾我叫我俾錢，到今日先有得投牌．今日又大雨喎，去到灣仔會展已經身水身汗．我對今次投牌一點都不樂觀，我知BBJ一定好多人有興趣．我最多只是願意俾幾千蚊，當做善事囉．第一口價五千蚊，第二口價已經叫二萬蚊，痴線架．．．．．激死，唔需要呀！最終個牌四萬五成交，阿gel仲想舉手投五萬蚊，俾我鬧到佢傻，五萬蚊要儲幾耐呀，五萬蚊可以做到好多嘢啦，起碼可以用黎裝修吖，佢話如果投到我一定會好開心，我叫佢不如俾五萬蚊我好過，不過佢話．．．好難啦．．．．．．

失望了成日，下次仲投唔投好？BBJ都俾人用左，我用咩好？

牆紙

近日搵來搵去，都仲未決定得到用咩牆紙好．又想sharp點唔太暗，又想型點，我好想用鮮黃或者鮮綠又或是鮮藍，但是搵親大多是素色．而且放在電視後的牆紙用鮮色唔知會否太刺眼呢？

垃圾堆的廚房

這就是我未來的廚房，唔知可以點起死回生．．．．．

又見到

又見到我ex啦，一放工踏出大廈門口就見到，咁佢咪知我係邊返工囉．．．．同行的同事見我呆一呆問我咩事，我話見到ex，佢即刻勁八咁問係邊．．．．我係唔會講架！

落雨天

好似今日阿胡錦濤黎香港喎！嗰市頂左咁耐，唔知佢三日後走，嗰市會唔會跌呢？

倒後鏡

如果我有塊反倒後鏡跟身，就唔會成日踩屎．．．．．泊車要睇後面，做人咪仲要留意身後！

問卷調查

成日有人打電話黎話多謝你早排幫手做問卷調查，為了答謝你，現送出咩咩星號遊輪的兩日一夜套餐，你可以一家人去享受．．．．xywfdasfljkerickw　　之後佢就好似讀稿員咁不停講有咩著數益我，講足幾分鐘，當我好禮貌呁話唔需要時佢仲不停問點解有咁好的嘢都唔要，xyz，頂！係要我出絕招，”小姐，我大把錢，妳依ｄ嘢咁小兒科，唔好side我時間啦！”

我都知好串，不過冇計啦！

都會駅

這個位於調景嶺地鐵站上蓋的都會駅，是由長江興建．大家都知長江樓的口碑有幾好架啦！有個裝修師傅叫我上佢在都會駅的單位睇睇，因為佢正為這個單位裝修，可以睇吓佢的手工喎！同阿爸阿媽上到去一睇，真是嚇死！八百幾尺的單位，實用率小得驚人，廚房僅夠一個人通過，基本上開雪櫃都會阻住哂，所謂的三房，每間的面積小得可憐，放了一張正常的床之後，只可放一個小小的衣櫃，真是入房就要上床咁細．而個廳同我現在住緊的五百尺樓比仲要小，又長又窄，一點都唔好用．係就係多了一個環保露台，但是這個所謂的露台是需要計入銷售面積內，又一搵笨賣點．

我們掛住睇樓，差點忘了此行的目的是睇裝修．不用太仔細看已經知道唔掂，這個師傅講到咩都得咁，但是手工其差，我都知現在大多傢私都係在大陸做，但手工都唔係咁差呀．．．而且我現在用緊的傢私都係大陸做啦，好過佢好多呀，上次我都係求其在沙田的傢私舖做之嘛．．．．

睇完樓後，阿媽問我老豆．．．”換樓有咩好換呀，四五百萬的樓都咁細，搵笨！”

The Quarterdeck

阿gel的生日我們去了位於尖沙咀海運的The Quarterdeck，有個朋友推介這間餐廳的海鮮非常美味，好值得在生日到訪咁喎！前菜的沙拉沒什麼特別，反而那個青口非常好味，味鮮又多汁，食到我們不停嘴．主菜的原隻燒龍蝦真是勁好食，龍蝦鮮甜，煮得剛剛好，有點嫩口，睇見阿gel食到好滋味的樣，一樂也！

不過好食係要付出代價架，食到我荷包都乾乾淨淨！

餐卓

近來見到很多家居設計都用黑玻璃，應該都是今期流行，這是我們在GOD見到的餐桌，可以加長架，放在新居應該不錯．只是怕黑玻璃容易印上手指印和有塵！

herman miller

昨日逛街時，又給我看到我的dream Chair．唔理三七廿一，即時一個屎忽坐落去，嘩！感覺非常良好，承扥力一流，完全是緊貼我的身體．當時我已經幻想把這張如藝術品一般的椅子放在我們新居內是多麼令人興奮的一件事，那個售貨員見我發了顛的樣，立即加多幾錢肉緊向我推薦，我一口已經話要成一萬蚊好貴呀，但是佢話現在有discount，七千幾咋！！！！聽得我心花怒放之際，阿gel就一盤冷水淋下來．．．”買買買，咩都要買，傻架！一闊三大呀！”

yiu．．．．．都話dream Chair，咪俾我dream吓囉．．．．．

各位，如果你地知邊度賣得平，記住單聲呀！　我可以黎一招”先斬後奏”嘛．．．．

藍天

近來見到的藍天令人心矌神宜，週末出街接觸一下陽光幾好呀！雖然我是冷氣人，但是都好渴望能夠享受微風吹來的感覺．

九龍城－粗菜館

這間在九龍城的粗菜館是一間幾值回票價的食店，平時一定不用等位的食店，經有線阿蘇介紹之後，竟然爆場到飛起．我們放工本想去食，但見到門口在等位的一堆人真是嚇親．又一見證香港人跟風之快呀！連風之后李麗珊都無法比．．．

完成圖．．．

忙了兩個星期的大project終於完成．．．．日夜cut cut cut的日子正式完成，又可以返回我的發夢生活．

好忙呀！

在大雄那處知道有這種玩意，而阿gel又就快生日，一於整俾佢做生日禮物．開始時以為好簡單，那知非常麻煩，又要叫朋友幫我print出來（因為佢有color print），而且仲要留在公司整，不可以拿回家整，唔可以俾佢知．中學後都沒有做過勞作的我，今次絕對係一個大project，希望可以在星期日前成功攪掂啦．

自家客菜

這間在九龍灣MegaBox的新派客家菜，完全唔入流．食物來到時又不夠熱，暖暖的好似放了在廚房很久才拿出咁，而且每樣的分量少少的，都不知夠那個食．入去的時候我們都有將會踩屎的感覺，那知．．．．．最近我們去過很多新的食店，不知是否舖租高的原故，大多都細細碟但價錢高高咁．．．．做食店要做得好，食物好顧客才會回頭架，冇回頭的話遲早玩完．

久違了．．．

為什麼總是上班的日子才能見到藍天，週末就永遠都下雨．．．．．

今晚食咩餸

唔知係咩名堂，只知阿gel有份煮，ok架！有兩種雞呀．．．．

苦瓜煮田雞

用咩好．．．

還在煩新的屋企應該用什麼材料好．用地磚好定係用木地板好，地磚感覺很冷但是木地板又易花，點好．．．．廚房的廚櫃面用木好定用黑玻璃，用木就同現在的差不多，但是黑玻璃又好似型好多，點選好．．．．．師傅用那一位都還沒有決定．．．．煩煩煩！

大雨中的蝸牛

一個大好的週末，日日都狂風狂雨，我想最開心的是蝸牛，佢地在我樓下出哂黎開派對．而我們只可以留在蝸居看電視．咁大雨，什麼地方都不想去呀！

拔罐

拔罐完之後．．．成身瘀呀！

做到傻．．．．

老細．．．．咩都我做哂，加吓人工得唔得呀．．．．．．．頂！

牛肉

因為睇中醫的原故，好多嘢都唔食得，好耐冇食過牛肉啦！真是很想去据番個牛排呀！蝦蟹牛同無魚鱗的魚都唔食得，我最鍾意食的海鮮呀．．．．．阿gel話最好以後都唔食，佢真係識講笑！

Megabox

新開在九龍灣的Megabox，我們在星期六已經去左．但是非常之失望，因為大多的店鋪都未開，奉勸各位都是等所有店鋪開齊才去，免得失望．

不過B&Q又真是有很多家居嘢賣，裝修家具一應俱全，好勁呀！不過大多是大陸產品，所以價錢不是太貴．我都抄襲一吓人地的設計，睇吓裝修師傅收我幾錢先．

中醫

由於皮膚差，阿媽話我的血太毒需要看中醫，連續飲了很多天的苦茶．好苦呀，個中醫次次都是話我個人好熱同好濕，咁即是點呀？香港近來的天氣都是又熱又濕喎，即是我個人同天氣好配合啦！

六四．．．．．．

八九六四．．八九六四．．八九六四．．八九六四．．八九六四．．八九六四．．八九六四．．

十八年了，依然記得當時八號風球不用上學，第一次為了別人上街了．

毛多多．．．

最近出街一定會成身汗，一來天氣實在太熱，而且香港的濕度又偏高，攪到我次次出街都成個鐵木真咁．今日同朋友研究，佢話事實上是因為我有太多毛啦，毛係幫助排出汗水，而我成身的毛都隨時作出準備幫我排出汗水．朋友仲話出汗是好的，幫助身體排毒喎！唔通真係排出毒素身體好咩．．